19

തി​രു​വ​ന​ന്ത​പു​രം: ആ​രോ​ഗ്യ​വ​കു​പ്പി​ലെ വി​വി​ധ വി​ഭാ​ഗ​ങ്ങ​ളി​ലെ ഒ​ഴി​വു​ക​ൾ അ​ടി​യ​ന്ത​ര​മാ​യി പി​എ​സ്‌​സി​ക്കു റി​പ്പോ​ർ​ട്ട് ചെ​യ്യാ​ൻ ആ​രോ​ഗ്യ മ​ന്ത്രി കെ. ​മു​ര​ളീ​ധ​ര​ന്‍റെ നി​ർ​ദേ​ശം. ആ​രോ​ഗ്യ വ​കു​പ്പ്, മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പ്, ആ​യു​ഷ് വ​കു​പ്പ് എ​ന്നി​വ​യു​ടെ കീ​ഴി​ലു​ള്ള എ​ല്ലാ സ്ഥാ​പ​ന​ങ്ങ​ളി​ലെ​യും ഓ​ഫീ​സു​ക​ളി​ലെ​യും പി​എ​സ്‌​സി​ക്ക് റി​പ്പോ​ർ​ട്ട് ചെ​യ്യേ​ണ്ട ഒ​ഴി​വു​ക​ൾ സം​ബ​ന്ധി​ച്ച് അ​ടി​യ​ന്ത​ര​മാ​യി അ​വ​ലോ​ക​നം ന​ട​ത്തി ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നി​ർ​ദേ​ശം. ആ​രോ​ഗ്യ​വ​കു​പ്പി​ന് കീ​ഴി​ൽ നി​ര​വ​ധി ഒ​ഴി​വു​ക​ളു​ണ്ടാ​യി​ട്ടും റി​പ്പോ​ർ​ട്ട് ചെ​യ്യു​ന്നി​ല്ലെ​ന്ന് ചൂ​ണ്ടി​ക്കാ​ട്ടി റാ​ങ്ക്ഹോ​ൾ​ഡേ​ഴ്സ് ന​ൽ​കി​യ നി​വേ​ദ​ന​ത്തെ തു​ട​ർ​ന്നാ​ണ് മ​ന്ത്രി​യു​ടെ അ​ടി​യ​ന്ത​ര ഇ​ട​പെ​ട​ൽ.

തിരുവനന്തപുരം: സംസ്ഥാനത്ത് പകർച്ചവ്യാധികൾ വ്യാപിക്കുന്ന പശ്ചാത്തലത്തിൽ ആരോഗ്യമന്ത്രി കെ. മുരളീധരനെതിരേ രൂക്ഷവിമർശനവുമായി മുൻ ആരോഗ്യമന്ത്രി വീണ ജോർജ്. 30 ദിവസത്തിനുള്ളിൽ സംസ്ഥാനത്ത് പനി ബാധിച്ച് മരിച്ചത് 87 പേരാണ്. വിടുവായത്തം നിർത്തി വകുപ്പിനെ ഏകോപനത്തോടെ നയിക്കൂവെന്ന് വീണ ജോർജ് ഫേസ്ബുക്കിൽ കുറിച്ചു.

എൽഡിഎഫ് സർക്കാരിന്‍റെ കാലത്ത് ആരോഗ്യവകുപ്പിനേയും മന്ത്രിയേയും ഏറ്റവും കൂടുതൽ ആക്രമിച്ചയാളാണ് മുരളീധരൻ. അന്നത്തെ വാക്കുകളൊക്കെ ഇന്ന് ബൂമറാംഗ് പോലെ ശക്തമായി തിരിച്ചെത്തുന്നത് കണ്ടുതുടങ്ങിയിട്ടുണ്ടെന്നും വീണ ജോർജ് പറഞ്ഞു.

എൽഡിഎഫ് സർക്കാരിന്‍റെ കാലത്ത് ആരോഗ്യ മേഖലയിലുണ്ടായ നേട്ടങ്ങളെക്കുറിച്ചും വീണ ജോർജ് പോസ്റ്റിൽ വിശദീകരിക്കുന്നുണ്ട്. 

വീണയുടെ ഫേസ്ബുക്ക് പോസ്റ്റ് ചുവടെ:-

"സൗജന്യ ചികിത്സ പദ്ധതി അട്ടിമറിക്കരുത് . ഇടതുപക്ഷ സർക്കാർ വകയിരുത്തിയതിനേക്കാൾ 200 കോടി കുറവാണ് യുഡിഎഫ് വകയിരുത്തിയിരിക്കുന്നത് എന്നത് ആശങ്ക സൃഷ്ടിക്കുന്നതാണ്."
25 ലക്ഷം രൂപ സൗജന്യ ചികിത്സ നൽകുന്ന പദ്ധതി യുഡിഎഫിന്‍റെ ഇലക്ഷൻ ഗ്യാരന്‍റി ആയിരുന്നു. പക്ഷെ ഇതിനായി ബജറ്റിൽ ആകെ നീക്കി വച്ചിരിക്കുന്നത് 10 കോടി രൂപയാണ്.

എൽഡിഎഫ് സർക്കാർ കഴിഞ്ഞ അഞ്ച് വർഷം 8700 കോടി രൂപയുടെ സൗജന്യ ചികിത്സയാണ് നൽകിയത്. കാരുണ്യ ആരോ​ഗ്യ സുരക്ഷാ പദ്ധതിയിലൂടെ കാസ്പ് കാർഡുള്ള ഓരോ കുടുംബത്തിനും 5 ലക്ഷം രൂപയുടെ സൗജന്യ ചികിത്സ ഓരോ വർഷവും എൽഡിഎഫ് നൽകി വന്നു.

42.5 ലക്ഷം കുടുംബങ്ങൾക്കാണ് ആരോ​ഗ്യ പരിരക്ഷാ കാർഡ് ഉണ്ടായിരുന്നത്. ഫെബ്രുവരിയിലെ ബജറ്റിൽ 900 കോടി രൂപയാണ് സൗജന്യ ചികിത്സയ്ക്കായി എൽഡിഎഫ് വകയിരുത്തിയിരുന്നത്. യുഡിഎഫ് സർക്കാരിന്‍റെ ബജറ്റ് അനുസരിച്ചാണെങ്കിൽ അവർ ബജറ്റിൽ നീക്കിവച്ചിരിക്കുന്നത് 700 കോടി രൂപ.

അതായത് എൽഡിഎഫ് സർക്കാർ വകയിരുത്തിയതിനേക്കാൾ 200 കോടി കുറവ്. 25 ലക്ഷം രൂപയുടെ സൗജന്യ ചികിത്സ നൽകണമെങ്കിൽ ഇതിന്‍റെ എത്രയോ ഇരട്ടി ബജറ്റിൽ മാറ്റിവയ്ക്കണം. അത് ഉണ്ടായിട്ടില്ല.

സൗജന്യ ചികിത്സയ്ക്കായി നിലവിൽ ഇടതുപക്ഷ സർക്കാർ വകയിരുത്തിയതിനേക്കാൾ 200 കോടി കുറവാണ് യുഡിഎഫ് വകയിരുത്തിയിരിക്കുന്നത് എന്നത് ആശങ്ക സൃഷ്ടിക്കുന്നതാണ്.

സാമ്പത്തിക പ്രതിസന്ധി നേരിടുന്ന സാധാരണ ജനങ്ങൾക്ക് സൗജന്യ ചികിത്സ നിഷേധിക്കുന്ന സാഹചര്യം ഉണ്ടാകാൻ പാടില്ല. ഇടതുപക്ഷ സർക്കാർ നടപ്പിലാക്കിയ ആൻജിയോപ്ലാസ്റ്റി, സങ്കീർണ ശസ്ത്രക്രിയകൾ, കാൻസർ ചികിത്സ ഉൾപ്പെടെയുള്ള ചിലവേറിയ ചികിത്സകൾക്ക് ലക്ഷക്കണക്കിന് ആളുകൾക്ക് സഹായകരമാകുന്ന സൗജന്യ ചികിത്സാ പദ്ധതി അട്ടിമറിക്കപ്പെടരുത്. സൗജന്യ ചികിത്സാ പദ്ധതി തുടരും എന്ന് മുഖ്യമന്ത്രി ഉറപ്പാക്കണം.

എൽഡിഎഫ് സർക്കാർ ബജറ്റിൽ ആരോ​ഗ്യ മേഖലയ്ക്ക് വകയിരുത്തിയതിനേക്കാൾ കുറവാണ് യുഡിഎഫ് സർക്കാരിന്‍റെ ബജറ്റ് വിഹിതം.

തി​രു​വ​ന​ന്ത​പു​രം: സം​സ്ഥാ​ന​ത്തെ പ​ക​ർ​ച്ച​വ്യാ​ധി വ്യാ​പ​ന​ത്തി​ൽ നി​യ​മ​സ​ഭ​യി​ൽ സ​ർ​ക്കാ​രി​നെ​തി​രേ രൂ​ക്ഷ വി​മ​ർ​ശ​ന​വു​മാ​യി പ്ര​തി​പ​ക്ഷം. ആ​രോ​ഗ്യ​വ​കു​പ്പി​ൽ ഏ​കോ​പ​ന​മി​ല്ലെ​ന്നും ഭ​ര​ണ​ക​ക്ഷി​യി​ലെ പ​ല​രും ആ​രോ​ഗ്യ ഉ​ദ്യോ​ഗ​സ്ഥ​രെ ട്രാ​ൻ​സ്ഫ​ർ ചെ​യ്യാ​നു​ള്ള തി​ര​ക്കി​ലാ​ണെ​ന്നും മു​ഹ​മ്മ​ദ് റി​യാ​സ് വി​മ​ർ​ശി​ച്ചു.

സ​ർ​ക്കാ​രി​നെ വി​ല​യി​രു​ത്താ​ൻ 35 ദി​വ​സം മ​തി​യാ​കി​ല്ല, എ​ന്നാ​ൽ സ​ർ​ക്കാ​ർ ഏ​ത് ദി​ശ​യി​ലേ​ക്കാ​ണ് എ​ന്ന് മ​ന​സി​ലാ​ക്കാ​ൻ 35 ദി​വ​സം ധാ​രാ​ള​മാ​ണ്. ആ​രോ​ഗ്യ​മേ​ഖ​ല​യി​ലെ കേ​ര​ള മോ​ഡ​ൽ ലോ​ക​മാ​കെ അം​ഗീ​ക​രി​ച്ച​താ​ണ്. എ​ന്നാ​ൽ ഈ ​കേ​ര​ള മോ​ഡ​ൽ യു​ഡി​എ​ഫ് സ​ർ​ക്കാ​ർ കൈ​വി​ടു​ന്നു​വെ​ന്നു​ള്ള​തി​ന്‍റെ സൂ​ച​ന​യാ​ണ് അ​വ​രു​ടെ 35 ദി​വ​സ​ത്തെ ഇ​ട​പെ​ട​ലി​ൽ നി​ന്ന് മ​ന​സി​ലാ​കു​ന്ന​തെ​ന്ന് റി​യാ​സ് കു​റ്റ​പ്പെ​ടു​ത്തി.

മാ​ര​ക സ്വ​ഭാ​വ​മു​ള്ള രോ​ഗ​ങ്ങ​ൾ സം​സ്ഥാ​ന​ത്ത് പ​ട​ർ​ന്ന് പി​ടി​ക്കു​ക​യാ​ണ്. നി​പ റി​പ്പോ​ർ​ട്ട് ചെ​യ്ത് അ​ഞ്ച് ദി​വ​സം ക​ഴി​ഞ്ഞാ​ണ് മ​രു​ന്നെ​ത്തി​യ​തെ​ന്നും റി​യാ​സ് ചൂ​ണ്ടി​ക്കാ​ട്ടി.

പ​ക​ർ​ച്ച​വ്യാ​ധി​ക​ൾ വ​രു​ന്ന​ത് ഏ​തെ​ങ്കി​ലും ഒ​രു മു​ന്ന​ണി ന​യി​ക്കു​ന്ന സ​ർ​ക്കാ​ർ ഭ​രി​ക്കു​ന്ന​ത് കൊ​ണ്ടാ​ണെ​ന്ന് ക​രു​തു​ന്ന​വ​ര​ല്ല ത​ങ്ങ​ൾ. ഇ​പ്പോ​ഴ​ത്തെ ആ​രോ​ഗ്യ​മ​ന്ത്രി​യു​ടെ കാ​ഴ്ച​പ്പാ​ട​ല്ല ത​ങ്ങ​ളു​ടെ കാ​ഴ്ച​പ്പാ​ടെ​ന്നും എം​എ​ൽ​എ വ്യ​ക്ത​മാ​ക്കി.

കോ​ഴി​ക്കോ​ട്: കോ​ഴി​ക്കോ​ട് റി​പ്പോ​ര്‍​ട്ട് ചെ​യ്യ​പ്പെ​ട്ട നി​പ നി​യ​ന്ത്ര​ണ വി​ധേ​യം. രോ​ഗ​ബാ​ധി​ത​ന്‍റെ സ​മ്പ​ര്‍​ക്ക പ​ട്ടി​ക​യി​ല്‍​നി​ന്ന് നി​രീ​ക്ഷ​ണ​ത്തി​നാ​യി ഇ​ന്ന​ലെ ആ​ശു​പ​ത്രി​യി​ല്‍ ആ​രെ​യും പ്ര​വേ​ശി​പ്പി​ച്ചി​ട്ടി​ല്ല. സ​മ്പ​ര്‍​ക്ക​പ​ട്ടി​ക​യി​ല്‍ ഉ​ള്‍​പ്പെ​ട്ട​വ​രി​ല്‍ രോ​ഗ​ല​ക്ഷ​ണ​ങ്ങ​ള്‍ ക​ണ്ട​തി​നെ​ത്തു​ട​ര്‍​ന്ന് പ​രി​ശോ​ധി​ച്ച എ​ല്ലാ​വ​രു​ടെ​യും സാ​മ്പി​ള്‍ ഫ​ലം നെ​ഗ​റ്റീ​വാ​ണെ​ന്ന് ആ​രോ​ഗ്യ​മ​ന്ത്രി അ​റി​യി​ച്ചു.

രോ​ഗ​ബാ​ധി​ത​ന്‍റെ സ​മ്പ​ര്‍​ക്ക​പ​ട്ടി​ക​യി​ല്‍ ഇ​ന്ന​ലെ പു​തു​താ​യി ആ​രെ​യും ഉ​ള്‍​പ്പെ​ടു​ത്തി​യി​ട്ടി​ല്ല. നി​ല​വി​ല്‍ 104 പേ​രാ​ണ് സ​മ്പ​ര്‍​ക്ക പ​ട്ടി​ക​യി​ല്‍ ഉ​ള്ള​ത്. ഇ​തി​ൽ നാ​ലു പേ​ര്‍ വ​ള​രെ ഉ​യ​ര്‍​ന്ന റി​സ്‌​ക് വി​ഭാ​ഗ​ത്തി​ല്‍​പ്പെ​ട്ട​വ​രും 14 പേ​ര്‍ ഉ​യ​ര്‍​ന്ന റി​സ്ക് വി​ഭാ​ഗ​ത്തി​ല്‍ പെ​ട്ട​വ​രും 86 പേ​ര്‍ കു​റ​ഞ്ഞ റി​സ്‌​ക് വി​ഭാ​ഗ​ത്തി​ല്‍​പ്പെ​ട്ട​വ​രു​മാ​ണ്. നി​പ ബാ​ധി​ച്ച രോ​ഗി കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ വെ​ന്‍റി​ലേ​റ്റ​റി​ല്‍ ചി​കി​ത്സ തു​ട​രു​ന്നു.

രോ​ഗ​ബാ​ധ റി​പ്പോ​ര്‍​ട്ട് ചെ​യ്ത രാ​മ​നാ​ട്ടു​ക​ര മു​നി​സി​പ്പാ​ലി​റ്റി ഡി​വി​ഷ​ന്‍ അ​ഞ്ചി​ലെ 49 വീ​ടു​ക​ളി​ല്‍​ക്കൂ​ടി ആ​രോ​ഗ്യ പ്ര​വ​ര്‍​ത്ത​ക​ര്‍ ഇ​ന്ന​ലെ സ​ന്ദ​ര്‍​ശ​നം ന​ട​ത്തി. സം​ശ​യ നി​വാ​ര​ണ​ത്തി​നാ​യി ഇ​തു​വ​രെ ജി​ല്ലാ ക​ണ്‍​ട്രോ​ള്‍ റൂ​മി​ല്‍ പൊ​തു​ജ​ന​ങ്ങ​ളി​ല്‍ നി​ന്നു​ള്ള 91 ഫോ​ണ്‍​വി​ളി​ക​ള്‍ എ​ത്തി​യി​ട്ടു​ണ്ട്. സ​മ്പ​ര്‍​പ​ട്ടി​ക​യി​ല്‍ ഉ​ള്‍​പ്പെ​ട്ട എ​ല്ലാ​വ​രെ​യും ഇ​ന്ന​ലെ​യും ജി​ല്ലാ ക​ണ്‍​ട്രോ​ള്‍ റൂ​മി​ല്‍ നി​ന്ന് ആ​രോ​ഗ്യ​പ്ര​വ​ര്‍​ത്ത​ക​ര്‍ ബ​ന്ധ​പ്പെ​ട്ടി​രു​ന്നു. ജി​ല്ലാ മാ​ന​സി​കാ​രോ​ഗ്യ​പ​രി​പാ​ടി​യു​ടെ ഭാ​ഗ​മാ​യി ഇ​തു​വ​രെ 125 പേ​രെ വി​ളി​ക്കു​ക​യും മാ​ന​സി​ക പി​ന്തു​ണ ഉ​റ​പ്പാ​ക്കു​ക​യും ചെ​യ്തു.

ഏ​ഴു പേ​ര്‍​ക്കു​കൂ​ടി ഷി​ഗെ​ല്ല സ്ഥി​രീ​ക​രി​ച്ചു

സം​സ്ഥാ​ന​ത്ത് ഇ​ന്ന​ലെ ഏ​ഴു ഷി​ഗെ​ല്ല രോ​ഗ​ബാ​ധ​കൂ​ടി റി​പ്പോ​ര്‍​ട്ട് ചെ​യ്തു. കോ​ഴി​ക്കോ​ട്, തി​രു​വ​ന​ന്ത​പു​രം -ര​ണ്ടു​വീ​തം, തൃ​ശൂ​ര്‍, മ​ല​പ്പു​റം, വ​യ​നാ​ട്- ഒ​ന്നു​വീ​തം എ​ന്നി​ങ്ങ​നെ​യാ​ണ് ഷി​ഗെ​ല്ല രോ​ഗ​ബാ​ധ റി​പ്പോ​ര്‍​ട്ട് ചെ​യ്ത​ത്. സം​സ്ഥാ​ന​ത്ത് ഈ ​മാ​സം 140 രോ​ഗ​ബാ​ധ​യും ആ​റു മ​ര​ണ​വും റി​പ്പോ​ര്‍​ട്ട് ചെ​യ്തി​ട്ടു​ണ്ട്. കോ​ഴി​ക്കോ​ട് സ്വ​ദേ​ശി​നി​യാ​യ ഒ​രു മ​ധ്യ​വ​യ​സ്‌​ക​യാ​ണു മ​രി​ച്ച​ത്. ഈ ​വ​ര്‍​ഷം ഇ​തു​വ​രെ 216 പേ​ര്‍​ക്ക് ഷി​ഗെ​ല്ല രോ​ഗ​ബാ​ധ സ്ഥി​രീ​ക​രി​ച്ചു. കോ​ഴി​ക്കോ​ട്, മ​ല​പ്പു​റം, വ​യ​നാ​ട് ജി​ല്ല​ക​ളി​ലാ​ണ് ജൂ​ണ്‍ മാ​സം ഏ​റ്റ​വും കൂ​ടു​ത​ല്‍ പേ​ര്‍​ക്ക് രോ​ഗം സ്ഥി​രീ​ക​രി​ച്ച​ത്. നി​ല​വി​ല്‍ കോ​ഴി​ക്കോ​ട് (42), വ​യ​നാ​ട് (19), തൃ​ശൂ​ര്‍ (12), ആ​ല​പ്പു​ഴ (3) എ​ന്നീ നാ​ല് ജി​ല്ല​ക​ളി​ലാ​ണ് ഔ​ട്‌​ബ്രേ​ക്ക് പ്ര​ഖ്യാ​പി​ച്ചി​ട്ടു​ള്ള​ത്. മ​ല​പ്പു​റം (20), തി​രു​വ​ന​ന്ത​പു​രം (17), കൊ​ല്ലം (9), ഇ​ടു​ക്കി (3), എ​റ​ണാ​കു​ളം (2), ക​ണ്ണൂ​ര്‍ (10), പാ​ല​ക്കാ​ട് (3)എ​ന്നി​വി​ട​ങ്ങ​ളി​ലും ഈ ​മാ​സം ഷി​ഗെ​ല്ല രോ​ഗ​ബാ​ധ റി​പ്പോ​ര്‍​ട്ട് ചെ​യ്തു.

തി​രു​വ​ന​ന്ത​പു​രം: യോ​ഗ​യ്ക്ക് ജാ​തി-​മ​ത-​വ​ർ​ണ വി​വേ​ച​ന​ങ്ങ​ളി​ലെ​ന്ന് ആ​രോ​ഗ്യ മ​ന്ത്രി കെ.​മു​ര​ളീ​ധ​ര​ൻ. ആ​രോ​ഗ്യ സം​ര​ക്ഷ​ണ​ത്തി​നാ​യി ആ​ർ​ക്കും പ​രി​ശീ​ലി​ക്കാ​വു​ന്ന വ്യാ​യാ​മ മു​റ​യാ​ണ് യോ​ഗ. വ​ർ​ഷ​ത്തി​ൽ ഒ​ന്നോ ര​ണ്ടോ ദി​വ​സം യോ​ഗ ചെ​യ്താ​ൽ പോ​രാ. ദി​വ​സേ​ന അ​ര​മ​ണി​ക്കൂ​റെ​ങ്കി​ലും ഇ​തി​നാ​യി ക​ണ്ടെ​ത്ത​ണം.

ഇ​തി​ന്‍റെ ഗു​ണം സ്വ​ന്തം ജീ​വി​തം കൊ​ണ്ട് സ​മൂ​ഹ​ത്തെ ബോ​ധ്യ​പ്പെ​ടു​ത്താ​ൻ പൊ​തു​പ്ര​വ​ർ​ത്ത​ക​ർ​ക്ക് ക​ഴി​യ​ണ​മെ​ന്നും അ​ദ്ദേ​ഹം പ​റ​ഞ്ഞു. ആ​യു​ഷ് വ​കു​പ്പ് നാ​ഷ​ണ​ൽ ആ​യു​ഷ് മി​ഷ​നു​മാ​യി സ​ഹ​ക​രി​ച്ച് സം​ഘ​ടി​പ്പി​ച്ച അ​ന്താ​രാ​ഷ്ട്ര യോ​ഗാ ദി​നാ​ച​ര​ണ​ത്തി​ന്‍റെ സം​സ്ഥാ​ന​ത​ല ഉ​ദ്ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു മ​ന്ത്രി.

അ​വ​ന​വ​ന് ഇ​ഷ്ട​മു​ള്ള വ്യാ​യാ​മ​മു​റ സ്വീ​ക​രി​ക്കാം. കു​ട്ടി​ക​ളെ വ്യാ​യാ​മം ശീ​ലി​പ്പി​ക്ക​ണം. ഏ​തു വ്യാ​യാ​മ​ത്തി​ന്‍റെ​യും ല​ക്ഷ്യം ആ​രോ​ഗ്യ​മു​ള്ള ത​ല​മു​റ​യെ വാ​ർ​ത്തെ​ടു​ക്ക​ലാ​ണ്. സ്ഥി​ര​മാ​യി ജോ​ഗിം​ഗ് ചെ​യ​താ​ണ് താ​ൻ ആ​രോ​ഗ്യം നി​ല​നി​ർ​ത്തു​ന്ന​ത്.

അ​ലോ​പ്പ​തി​യും ആ​യു​ഷ് വ​കു​പ്പും ഏ​കോ​പി​പ്പി​ച്ചു കൊ​ണ്ടു​ള്ള പ്ര​വ​ർ​ത്ത​ന​മാ​ണ് ആ​രോ​ഗ്യ സം​ര​ക്ഷ​ണ രം​ഗ​ത്ത് ആ​വ​ശ്യ​മെ​ന്നും മ​ന്ത്രി പ​റ​ഞ്ഞു. ഓ​ഫീ​സ് ജോ​ലി​ക​ൾ​ക്കാ​യി കൂ​ടു​ത​ൽ സ​മ​യം ചെ​ല​വി​ടു​ന്ന​വ​ർ​ക്കു​ള്ള ചെ​യ​ർ യോ​ഗ​യെ​ക്കു​റി​ച്ചു​ള്ള വീ​ഡി​യോ മ​ന്ത്രി പ്ര​കാ​ശ​നം ചെ​യ്തു.

തി​രു​വ​ന​ന്ത​പു​രം: തി​രു​വ​ന​ന്ത​പു​ര​ത്ത് ഒ​രാ​ൾ​ക്ക് എം ​പോ​ക്സ് സ്ഥി​രീ​ക​രി​ച്ചു. കി​ളി​മാ​നൂ​ർ പു​ളി​മാ​ത്ത് സ്വ​ദേ​ശി​യാ​യ 43 കാ​ര​നാ​ണ് രോ​ഗം സ്ഥി​രീ​ക​രി​ച്ച​ത്. രോ​ഗി​യു​ടെ കൂ​ടു​ത​ൽ വി​വ​ര​ങ്ങ​ൾ ആ​രോ​ഗ്യ​വ​കു​പ്പ് പു​റ​ത്തു​വി​ട്ടി​ട്ടി​ല്ല.

2026ൽ ​ഇ​തു​വ​രെ എ​ട്ട് പേ​ർ​ക്കാ​ണ് രോ​ഗം സ്ഥി​രീ​ക​രി​ച്ച​ത്. ജൂ​ൺ മാ​സ​ത്തി​ലെ ആ​ദ്യ കേ​സാ​ണ് തി​രു​വ​ന​ന്ത​പു​ര​ത്ത് റി​പ്പോ​ർ​ട്ട് ചെ​യ്തി​രി​ക്കു​ന്ന​ത്. അ​തേ​സ​മ​യം സം​സ്ഥാ​ന​ത്ത് 19 പേ​ർ​ക്ക് കൂ​ടി ഷി​ഗെ​ല്ല സ്ഥി​രീ​ക​രി​ച്ചു.

തി​രു​വ​ന​ന്ത​പു​ര​ത്ത് ര​ണ്ട്, കൊ​ല്ലം, എ​റ​ണാ​കു​ളം, മ​ല​പ്പു​റം ജി​ല്ല​ക​ളി​ൽ ഓ​രോ കേ​സു​ക​ളും റി​പ്പോ​ർ​ട്ട് ചെ​യ്തി​ട്ടു​ണ്ട്. തൃ​ശൂ​ർ ജി​ല്ല​യി​ൽ മൂ​ന്ന് കേ​സു​ക​ൾ റി​പ്പോ​ർ​ട്ട് ചെ​യ്തി​ട്ടു​ണ്ട്. ക​ണ്ണൂ​രി​ൽ ര​ണ്ട് പേ​ർ​ക്കാ​ണ് രോ​ഗം സ്ഥി​രീ​ക​രി​ച്ച​ത്. കോ​ഴി​ക്കോ​ട് ജി​ല്ല​യി​ലാ​ണ് ഏ​റ്റ​വും കൂ​ടു​ത​ൽ പേ​ർ ചി​കി​ത്സ​യി​ലു​ള്ള​ത്. ഒ​ൻ​പ​ത് പേ​ർ​ക്കാ​ണ് കോ​ഴി​ക്കോ​ട് ജി​ല്ല​യി​ൽ ഷി​ഗെ​ല്ല രോ​ഗ ബാ​ധ റി​പ്പോ​ർ​ട്ട് ചെ​യ്ത​ത്. 

തി​രു​വ​ന​ന്ത​പു​രം: സം​സ്ഥാ​ന​ത്ത് ഷി​ഗെ​ല്ല ബാ​ധി​ച്ച് ഒ​രു മ​ര​ണം കൂ​ടി. മ​ല​പ്പു​റം സ്വ​ദേ​ശി​യാ​യ വ​യോ​ധി​ക​യാ​ണ് ഷി​ഗെ​ല്ല ബാ​ധി​ച്ച് ക​ഴി​ഞ്ഞ ദി​വ​സം മ​രി​ച്ച​ത്. ഇ​ന്ന് 105 പേ​ർ​ക്ക് രോ​ഗം സ്ഥി​രീ​ക​രി​ച്ച​താ​യും പ്ര​തി​ദി​ന ഡെ​ങ്കി കേ​സ് 100 ക​ട​ന്നു​വെ​ന്നും ആ​രോ​ഗ്യ​വ​കു​പ്പ് വ്യ​ക്ത​മാ​ക്കി.

സം​സ്ഥാ​ന​ത്ത് പ​നി വ​ർ​ധി​ക്കു​ന്ന പ​ശ്ചാ​ത്ത​ല​ത്തി​ൽ നി​ർ​ദേ​ശ​ങ്ങ​ളു​മാ​യി ആ​രോ​ഗ്യ​വ​കു​പ്പ് രം​ഗ​ത്തെ​ത്തി. പ​നി​യും ജ​ല​ദോ​ഷ​വു​മു​ള്ള കു​ട്ടി​ക​ളെ സ്കൂ​ളി​ലേ​ക്ക് അ​യ​യ്ക്ക​രു​തെ​ന്ന് ആ​രോ​ഗ്യ​വ​കു​പ്പ് മു​ന്ന​റി​യി​പ്പ് ന​ൽ​കി.

സ്കൂ​ളു​ക​ളി​ൽ ഫു​ഡ് ഇ​ൻ​സ്പെ​ക്ട​ർ​മാ​ർ പ്ര​ത്യേ​ക പ​രി​ശോ​ധ​ന ന​ട​ത്ത​ണം. ആ​രോ​ഗ്യ​പ്ര​ശ്ന​ങ്ങ​ൾ ഉ​ള്ള​വ​ർ ആ​ൾ​ക്കൂ​ട്ട​ത്തി​ൽ മാ​സ്ക് ധ​രി​ക്ക​ണ​മെ​ന്നും കു​ടി​വെ​ള്ള സ്രോ​ത​സു​ക​ൾ പ​രി​ശോ​ധി​ക്ക​ണ​മെ​ന്നും ആ​രോ​ഗ്യ​വ​കു​പ്പ് മു​ന്ന​റി​യി​പ്പ് ന​ൽ​കു​ന്നു.

തി​രു​വ​ന​ന്ത​പു​രം: സം​സ്ഥാ​ന​ത്തെ പ​ക​ർ​ച്ച​വ്യാ​ധി വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ ആ​രോ​ഗ്യ​മ​ന്ത്രി​യു​ടെ നേ​തൃ​ത്വ​ത്തി​ൽ ഇ​ന്ന് അ​വ​ലോ​ക​ന​യോ​ഗം ചേ​രും. ഓ​ൺ​ലൈ​നാ​യാ​ണ് യോ​ഗം ന​ട​ക്കു​ക. ജി​ല്ലാ ക​ള​ക്ട​ർ​മാ​രും മെ​ഡി​ക്ക​ൽ ഓ​ഫീ​സ​ർ​മാ​രും യോ​ഗ​ത്തി​ൽ പ​ങ്കെ​ടു​ക്കും.

സം​സ്ഥാ​ന​ത്തെ പ​ക​ർ​ച്ച​വ്യാ​ധി വ്യാ​പ​ന​വും പ്ര​തി​രോ​ധ പ്ര​വ​ർ​ത്ത​ന​ങ്ങ​ളു​മാ​ണ് യോ​ഗ​ത്തി​ൽ പ്ര​ധാ​ന​മാ​യും ച​ർ​ച്ച​യാ​വു​ക. ഷി​ഗെ​ല്ല രോ​ഗ​ബാ​ധി​ത​രു​ടെ എ​ണ്ണം വ​ർ​ധി​ക്കു​ന്ന​തും ആ​ശ​ങ്ക​യാ​ണ്. രോ​ഗ നി​യ​ന്ത്ര​ണ​ത്തി​നും പ്ര​തി​രോ​ധ​ത്തി​നും ജി​ല്ലാ​ത​ല​ത്തി​ൽ കൈ​കൊ​ണ്ട് ന​ട​പ​ടി​ക​ളെ​ക്കു​റി​ച്ചും യോ​ഗം അ​വ​ലോ​ക​നം ചെ​യ്യും.

അ​തേ​സ​മ​യം പ​ക​ർ​ച്ച​വ്യാ​ധി​ക​ൾ പ​ട​രു​ന്ന​തും മ​ര​ണ​ങ്ങ​ളു​ണ്ടാ​കു​ന്ന​തും ത​ട​യാ​ൻ ആ​രോ​ഗ്യ​വ​കു​പ്പ് ഉ​ന്ന​താ​ധി​കാ​ര സ​മി​തി രൂ​പ​വ​ത്ക​രി​ച്ചു. സ​ർ​ക്കാ​ർ മേ​ഖ​ല​യി​ൽ​നി​ന്നു പു​റ​മേ സ്വ​കാ​ര്യ മേ​ഖ​ല​യി​ലെ വി​ദ​ഗ്ധ ഡോ​ക്ട​ർ​മാ​രെ​യും സം​ഘ​ട​ന​ക​ളെ​യും ഉ​ൾ​പ്പെ​ടു​ത്തി​യാ​ണ് ഉ​ന്ന​താ​ധി​കാ​ര സ​മി​തി (ഹൈ​പ​വ​ർ ക​മ്മി​റ്റി) രൂ​പ​വ​ത്ക​രി​ച്ച​ത്.

ലോ​കാ​രോ​ഗ്യ സം​ഘ​ട​ന​യു​ടെ ക​ണ്‍​സ​ൾ​ട്ട​ന്‍റാ​യ ഡോ. ​എ​സ്.​എ​സ്. ലാ​ൽ ചെ​യ​ർ​മാ​നും ആ​രോ​ഗ്യ​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി ഡോ. ​ശ​ർ​മി​ള മേ​രി ജോ​സ​ഫ് കോ-​ഓ​ർ​ഡി​നേ​റ്റ​റും ഡോ. ​ശ്രീ​ജി​ത്ത് എ​ൻ. കു​മാ​ർ ക​ണ്‍​വീ​ന​റു​മാ​യാ​ണു ഉ​ന്ന​താ​ധി​കാ​ര സ​മി​തി രൂ​പ​വ​ത്ക​രി​ച്ച​ത്.

തിരുവനന്തപുരം: നിപ ഇതുവരെ വ്യാപിച്ചിട്ടില്ലെന്നും ഇതുവരെ കിട്ടിയ ഫലങ്ങളെല്ലാം നെഗറ്റീവ് ആണെന്നും ആരോഗ്യമന്ത്രി കെ. മുരളീധരൻ. പുതിയ കേസുകളില്ല. വെന്‍റിലേറ്ററിൽ കിടക്കുന്ന രോഗിയുടെ നില അതേനിലയിൽ തുടരുകയാണെന്നും അദ്ദേഹം പറഞ്ഞു.

നിപ റിപ്പോർട്ട് ചെയ്ത സമയത്ത് താൻ കോഴിക്കോട് ഉണ്ടായിരുന്നുവെന്നും ആവശ്യമായ നിർദേശം കൊടുത്തിട്ടാണ് പോന്നത്. കേരളത്തിലെ മുഴുവൻ കാര്യങ്ങൾ നോക്കേണ്ടതുണ്ട്. നിപ മറ്റുള്ള സ്ഥലങ്ങളിലും പടരാതിരിക്കാനുള്ള നടപടികൾ സ്വീകരിക്കേണ്ടതുണ്ട്. അതുകൊണ്ടാണ് തിരുവനന്തപുരത്തേക്ക് പോന്നത്. ‌മറ്റുള്ളതിനെയെല്ലാം രാഷ്ട്രീയ വിമർശനമായി മാത്രമേ കാണുന്നുള്ളൂവെന്നും മുരളീധരൻ പറഞ്ഞു.

ജനപ്രതിനിധികളുടെ യോഗം വിളിക്കാൻ റവന്യൂമന്ത്രി കോഴിക്കോടുണ്ട്. വീണുകിട്ടിയ ആയുധമായി പ്രതിപക്ഷം നിപയെ ഉപയോഗിക്കുന്നത് ശരിയല്ലെന്നും മുരളീധരൻ പറഞ്ഞു.

കോ​ഴി​ക്കോ​ട്: സം​സ്ഥാ​ന​ത്ത് വീ​ണ്ടും നി​പ വൈ​റ​സ് ബാ​ധ സ്ഥി​രീ​ക​രി​ച്ച പ​ശ്ചാ​ത്ത​ല​ത്തി​ൽ ആ​രോ​ഗ്യ​വ​കു​പ്പി​നെ​തി​രെ രൂ​ക്ഷ വി​മ​ർ​ശ​ന​വു​മാ​യി സി​പി​എം രം​ഗ​ത്ത്. പ്ര​തി​രോ​ധ പ്ര​വ​ർ​ത്ത​ന​ങ്ങ​ളു​ടെ പോ​രാ​യ്മ​ക​ൾ ചൂ​ണ്ടി​ക്കാ​ട്ടി​യാ​ണ് ആ​രോ​ഗ്യ​വ​കു​പ്പി​നെ​തി​രെ സി​പി​എ​മ്മി​ന്‍റെ വി​മ​ർ​ശ​നം.

രോ​ഗ​വ്യാ​പ​നം ത​ട​യു​ന്ന​തി​ൽ ആ​രോ​ഗ്യ​വ​കു​പ്പ് ഗു​രു​ത​ര വീ​ഴ്ച വ​രു​ത്തു​ന്ന​താ​യി സി​പി​എം ആ​രോ​പി​ച്ചു. നി​പ പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ വീ​ഴ്ച​യു​ണ്ടാ​ക​രു​തെ​ന്നും സാ​ഹ​ച​ര്യ​ത്തി​ന്‍റെ ഗൗ​ര​വം ക​ണ​ക്കി​ലെ​ടു​ത്ത് ആ​രോ​ഗ്യ​മ​ന്ത്രി കോ​ഴി​ക്കോ​ട് ക്യാ​മ്പ് ചെ​യ്ത് പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്ക​ണ​മെ​ന്നും പി.​എ.​മു​ഹ​മ്മ​ദ് റി​യാ​സ് ആ​വ​ശ്യ​പ്പെ​ട്ടു.

ഇ​ക്കാ​ര്യം ആ​രോ​ഗ്യ​മ​ന്ത്രി കെ. ​മു​ര​ളീ​ധ​ര​നോ​ട് ഫോ​ണി​ൽ വി​ളി​ച്ച് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും മു​ഹ​മ്മ​ദ് റി​യാ​സ് അ​റി​യി​ച്ചു. മു​ൻ​കാ​ല​ങ്ങ​ളി​ലെ​പ്പോ​ലെ ശ​ക്ത​മാ​യ ഏ​കോ​പ​നം ഈ ​ഘ​ട്ട​ത്തി​ൽ അ​ത്യാ​വ​ശ്യ​മാ​ണെ​ന്നും പി.​എ.​മു​ഹ​മ്മ​ദ് റി​യാ​സ് കൂ​ട്ടി​ച്ചേ​ർ​ത്തു.

കോ​ഴി​ക്കോ​ട്: നി​പ രോ​ഗ​ബാ​ധ സ്ഥി​രീ​ക​രി​ച്ച​തു​മാ​യി ബ​ന്ധ​പ്പെ​ട്ട് ത​നി​ക്കും കോ​ഴി​ക്കോ​ട് ജി​ല്ലാ ക​ള​ക്ട​ർ​ക്കു​മി​ട​യി​ൽ യാ​തൊ​രു​വി​ധ ആ​ശ​യ​ക്കു​ഴ​പ്പ​ങ്ങ​ളും ഉ​ണ്ടാ​യി​ട്ടി​ല്ലെ​ന്ന് ആ​രോ​ഗ്യ​മ​ന്ത്രി കെ. ​മു​ര​ളീ​ധ​ര​ൻ. എ​ന്നാ​ൽ, പു​തി​യ ക​ള​ക്ട​റാ​യ​തി​നാ​ൽ ചി​ല പ​രി​ച​യ​ക്കു​റ​വു​ക​ൾ സം​ഭ​വി​ച്ചി​ട്ടു​ണ്ടെ​ന്നും മ​ന്ത്രി വാ​ർ​ത്താ​സ​മ്മേ​ള​ന​ത്തി​ൽ പറഞ്ഞു.

താ​ൻ വാ​ർ​ത്താ സ​മ്മേ​ള​നം ന​ട​ത്തു​ന്ന​തി​ന് മുമ്പ് ജി​ല്ലാ ക​ള​ക്ട​ർ മാ​ധ​വി​ക്കു​ട്ടി​യു​മാ​യി സം​സാ​രി​ച്ചി​രു​ന്നു​വെ​ന്നും അ​തു​വ​രെ പൂനെ വൈ​റോ​ള​ജി ലാ​ബി​ൽ നി​ന്ന് നി​പ ബാ​ധ സ്ഥി​രീ​ക​രി​ച്ച​താ​യി റി​പ്പോ​ർ​ട്ട് വ​ന്നി​രു​ന്നി​ല്ലെ​ന്നും മ​ന്ത്രി പ​റ​ഞ്ഞു.

ത​ന്‍റെ വാ​ർ​ത്താ സ​മ്മേ​ള​ന​ത്തി​ന് ശേ​ഷ​മാ​ണ് ജി​ല്ലാ ക​ള​ക്ട​ർ ത​ന്നെ കാ​ര്യ​ങ്ങ​ൾ അ​റി​യി​ച്ച​ത്. ജി​ല്ലാ ക​ള​ക്‌​ട​ർ​ക്ക് റി​പ്പോ​ർ​ട്ട് കി​ട്ടി​യാ​ൽ അ​ത് ആ​രോ​ഗ്യ​മ​ന്ത്രി​യെ അ​റി​യി​ക്കേ​ണ്ട​താ​ണ്. എ​ന്നാ​ൽ പു​തി​യ ക​ള​ക്‌​ട​റാ​യ​ത് കൊ​ണ്ട് പ​രി​ച​യ​ക്കു​റ​വ് ഉ​ണ്ടാ​യി​ട്ടു​ണ്ടെന്നും ആ​രോ​ഗ്യ​മ​ന്ത്രി കു​റ്റ​പ്പെ​ടു​ത്തി.

വ്യാഴാഴ്ച ഉ​ച്ച​യ്ക്ക് ത​ന്നെ പു​നെ​യി​ൽ നി​ന്ന് രോ​ഗ​ബാ​ധ സ്ഥി​രീ​ക​രി​ച്ച​താ​യു​ള്ള റി​പ്പോ​ർ​ട്ട് വ​ന്നി​രു​ന്നു​വെ​ന്നാ​ണ് വ്യാഴാഴ്ച ജി​ല്ലാ ക​ള​ക്ട​ർ പ​റ​ഞ്ഞ​ത്. വൈ​കി​ട്ട് ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ൽ മ​ന്ത്രി കെ ​മു​ര​ളീ​ധ​ര​ൻ പു​ണെ​യി​ൽ നി​ന്നു​ള്ള ഫ​ലം വ​ന്നി​ല്ലെ​ന്ന് പ​റ​ഞ്ഞ​തി​ന് പി​ന്നാ​ലെ​യാ​യി​രു​ന്നു ജി​ല്ലാ ക​ള​ക്ട​റു​ടെ വാ​ർ​ത്താ സ​മ്മേ​ള​നം. ഇതിന് പിന്നാലെയാണ് കളക്ടറെ പഴിച്ചുകൊണ്ട് മന്ത്രി രംഗത്തെത്തിയത്.

നി​പ ബാ​ധി​ത​നാ​യ 43-കാ​ര​ൻ അ​തീ​വ ഗു​രു​ത​രാ​വ​സ്ഥ​യി​ൽ ചി​കി​ത്സ​യി​ൽ ക​ഴി​യു​ന്ന​തി​നി​ടെ​യാ​ണ് ജി​ല്ലാ ക​ള​ക്ട​റും മ​ന്ത്രി​യും രോ​ഗബാ​ധ സ്ഥി​രീ​ക​രി​ച്ച​തു​മാ​യി ബ​ന്ധ​പ്പെ​ട്ട് ര​ണ്ട് ത​ട്ടി​ലാ​യ​ത്. അതേസമയം ഇയാൾക്ക് കേ​ര​ള​ത്തി​ൽ ന​ട​ത്തി​യ പ​രി​ശോ​ധ​ന​ക​ളി​ൽ തു​ട​ക്ക​ത്തി​ൽ ത​ന്നെ നി​പ ബാ​ധ സ്ഥി​രീ​ക​രി​ച്ചി​രു​ന്നു. പു​നെയി​ൽ നി​ന്ന് ഫ​ലം വ​രും മു​മ്പ് ചി​കി​ത്സ​യും തു​ട​ങ്ങി​യി​രു​ന്നു.

തി​രു​വ​ന​ന്ത​പു​രം: സം​സ്ഥാ​ന​ത്ത് വീ​ണ്ടും നി​പ വൈ​റ​സ് ബാ​ധ സ്ഥി​രീ​ക​രി​ച്ച​തി​ന് പി​ന്നാ​ലെ, കോ​ൺ​ഗ്ര​സ് നേ​താ​വ് കെ. ​മു​ര​ളീ​ധ​ര​ൻ മു​ൻ​പ് ന​ട​ത്തി​യ ഒ​രു പ്ര​സം​ഗം സാ​മൂ​ഹി​ക മാ​ധ്യ​മ​ങ്ങ​ളി​ൽ വ​ലി​യ ച​ർ​ച്ച​യാ​കു​ന്നു. ഒ​ന്നാം പി​ണ​റാ​യി സ​ർ​ക്കാ​രി​ന്‍റെ കാ​ല​ത്ത് നി​പ രോ​ഗം റി​പ്പോ​ർ​ട്ട് ചെ​യ്ത​പ്പോ​ൾ ഭ​ര​ണാ​ധി​കാ​രി​ക​ളെ പ​രി​ഹ​സി​ച്ചു​കൊ​ണ്ട് മു​ര​ളീ​ധ​ര​ൻ ന​ട​ത്തി​യ പ​രാ​മ​ർ​ശ​മാ​ണ് ഇ​പ്പോ​ൾ ഇ​ട​ത് അ​നു​കൂ​ലി​ക​ളും പൊ​തു​ജ​ന​ങ്ങ​ളും വീ​ണ്ടും ച​ർ​ച്ച​യാ​ക്കു​ന്ന​ത്.

"പ​ണ്ടൊ​രു ചൊ​ല്ലു​ണ്ട്, എ​ര​ണം കെ​ട്ട​വ​ൻ നാ​ട് ഭ​രി​ച്ചാ​ൽ നാ​ട് മു​ടി​യും. ഓ​ണം ആ​ഘോ​ഷി​ച്ചി​ട്ട് കാ​ലം മ​റ​ന്നു. ഇ​തു​വ​രെ കേ​ൾ​ക്കാ​ത്ത രോ​ഗ​ങ്ങ​ളാ​ണ് ഇ​പ്പോ​ൾ വ​രു​ന്ന​ത്. വ​വ്വാ​ൽ ആ​ണ​ത്രേ നി​പ പ​ര​ത്തു​ന്ന​ത്! കെ. ​ക​രു​ണാ​ക​ര​നും എ.​കെ. ആ​ന്‍റ​ണി​യും ഉ​മ്മ​ൻ ചാ​ണ്ടി​യും ഭ​രി​ച്ചി​രു​ന്ന കാ​ല​ത്ത് ഈ ​നാ​ട്ടി​ൽ വ​വ്വാ​ൽ ഉ​ണ്ടാ​യി​രു​ന്നി​ല്ലേ? അ​പ്പോ​ഴൊ​ന്നും ഉ​ണ്ടാ​കാ​ത്ത നി​പ ഇ​പ്പോ​ൾ ഉ​ണ്ടാ​കാ​ൻ കാ​ര​ണം ഭ​രി​ക്കു​ന്ന​വ​ൻ ശ​രി​യ​ല്ലാ​ത്ത​തു​കൊ​ണ്ടാ​ണ്," എ​ന്നാ​യി​രു​ന്നു മു​ര​ളീ​ധ​ര​ന്‍റെ അ​ന്ന​ത്തെ വി​വാ​ദ പ്ര​സം​ഗം.

അ​തേ​സ​മ​യം, ഈ ​പ​ഴ​യ പ്ര​സം​ഗം മു​ൻ​നി​ർ​ത്തി മു​ര​ളീ​ധ​ര​നെ​തി​രെ പ​രോ​ക്ഷ വി​മ​ർ​ശ​ന​വു​മാ​യി ആ​രോ​ഗ്യ​മ​ന്ത്രി വീ​ണാ ജോ​ർ​ജ് രം​ഗ​ത്തെ​ത്തി. മു​ൻ​പ് നി​പ​യെ​ക്കു​റി​ച്ച് ഇ​ന്ന​ത്തെ ഒ​രു പ്ര​ധാ​ന നേ​താ​വ് ന​ട​ത്തി​യ പ്ര​സം​ഗ​ത്തി​ന്റെ ദൃ​ശ്യ​ങ്ങ​ൾ പ​ല​രും ത​നി​ക്ക് അ​യ​ച്ചു​ത​ന്നു​വെ​ന്ന് മ​ന്ത്രി ഫെ​യ്‌​സ്ബു​ക്കി​ൽ കു​റി​ച്ചു. "അ​തി​നെ​ക്കു​റി​ച്ച് ഇ​വി​ടെ ഒ​ന്നും എ​ഴു​തു​ന്നി​ല്ല. ശ​രി​തെ​റ്റു​ക​ൾ കാ​ലം തെ​ളി​യി​ക്ക​ട്ടെ. രോ​ഗ​ങ്ങ​ളു​ടെ പ്ര​തി​സ​ന്ധി​ക​ളി​ലും വെ​ല്ലു​വി​ളി​ക​ളി​ലും ജ​ന​ങ്ങ​ളെ ചേ​ർ​ത്തു​പി​ടി​ച്ച് ഏ​റ്റ​വും മി​ക​ച്ച ശാ​സ്ത്രീ​യ പ്ര​തി​രോ​ധം തീ​ർ​ക്കു​ക എ​ന്ന​താ​ണ് അ​നി​വാ​ര്യം. അ​തി​ന് ഒ​റ്റ​ക്കെ​ട്ടാ​യി നി​ൽ​ക്കു​ക എ​ന്ന​താ​ണ് ഇ​ട​തു​പ​ക്ഷ സ​മീ​പ​നം."

സം​സ്ഥാ​ന​ത്ത് വീ​ണ്ടും നി​പ ഭീ​തി നി​ല​നി​ൽ​ക്കു​ന്ന പ​ശ്ചാ​ത്ത​ല​ത്തി​ൽ, ഇ​ത്ത​രം ആ​രോ​ഗ്യ പ്ര​തി​സ​ന്ധി​ക​ളെ രാ​ഷ്ട്രീ​യ​വ​ൽ​ക്ക​രി​ച്ച മു​ര​ളീ​ധ​ര​ന്‍റെ പ​ഴ​യ നി​ല​പാ​ടി​നെ​തി​രെ സൈ​ബ​ർ ഇ​ട​ങ്ങ​ളി​ൽ വി​മ​ർ​ശ​നം ശ​ക്ത​മാ​ണ്.

കാ​സ​ർ​ഗോ​ഡ്: ഭ​രി​ക്കു​ന്ന​വ​ര്‍ കൊ​ള്ളാ​ത്ത​തു​കൊ​ണ്ടാ​ണ് നി​പ പോ​ലു​ള്ള അ​സു​ഖ​ങ്ങ​ള്‍ വ​രു​ന്ന​തെ​ന്ന ആ​രോ​ഗ്യ​മ​ന്ത്രി കെ ​മു​ര​ളീ​ധ​ര​ന്‍റെ പ​ഴ​യ പ്ര​സ്താ​വ​ന​യ്ക്ക് മ​റു​പ​ടി​യു​മാ​യി മു​ൻ ആ​രോ​ഗ്യ​മ​ന്ത്രി കെ.​കെ.​ഷൈ​ല​ജ. ഭ​രി​ക്കു​ന്ന​ത് ആ​രെ​ന്ന് നോ​ക്കി​യ​ല്ല നി​പ​യും കോ​വി​ഡും വ​രു​ന്ന​തെ​ന്ന് ഷൈ​ല​ജ പ്ര​തി​ക​രി​ച്ചു.

കൃ​ത്യ​മാ​യ പ്ര​തി​രോ​ധ ന​ട​പ​ടി​ക​ള്‍ സ്വീ​ക​രി​ക്കു​ക​യാ​ണ് ഭ​രി​ക്കു​ന്ന​വ​രു​ടെ ഉ​ത്ത​ര​വാ​ദി​ത്വം. മു​മ്പ് ത​ന്നെ നി​പ റാ​ണി എ​ന്ന് വി​ളി​ച്ച് അ​പ​മാ​നി​ച്ചി​രു​ന്നു. അ​ത്ത​ര​ത്തി​ലു​ള്ള പ്ര​തി​ക​ര​ണ​ങ്ങ​ള്‍ ത​ങ്ങ​ള്‍ ന​ട​ത്തി​ല്ല. ക​ക്ഷി രാ​ഷ്ട്രീ​യം നോ​ക്കാ​തെ പ്ര​തി​രോ​ധ പ്ര​വ​ര്‍​ത്ത​ന​ങ്ങ​ള്‍ ന​ട​ത്ത​ണ​മെ​ന്നും കെ ​കെ ശൈ​ല​ജ പ​റ​ഞ്ഞു.

നി​പ വൈ​റ​സ് ബാ​ധ​യെ ഭ​യ​ത്തോ​ടെ​യ​ല്ല, മ​റി​ച്ച് അ​തീ​വ ജാ​ഗ്ര​ത​യോ​ടെ നേ​രി​ട​ണം. രോ​ഗം പ്ര​തി​രോ​ധി​ക്കാ​നു​ള്ള വ്യ​ക്ത​മാ​യ പ്രോ​ട്ടോ​കോ​ൾ നി​ല​വി​ലു​ണ്ടെ​ന്നും, ആ​രോ​ഗ്യ​രം​ഗം ഇ​തി​നാ​യി പൂ​ർ​ണ്ണ സ​ജ്ജ​മാ​ണെ​ന്നും അ​വ​ർ പ​റ​ഞ്ഞു.

പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ കൃ​ത്യ​വി​ലോ​പം കാ​ണി​ക്ക​രു​ത്. വാ​ക്സി​ൻ ല​ഭ്യ​ത ഉ​റ​പ്പാ​ക്കു​ന്ന​തു​ൾ​പ്പെ​ടെ​യു​ള്ള മു​ൻ​ക​രു​ത​ലു​ക​ൾ എ​ടു​ക്ക​ണ​മെ​ന്നും അ​വ​ർ കൂ​ട്ടി​ച്ചേ​ർ​ത്തു.

തി​രു​വ​ന​ന്ത​പു​രം: സം​സ്ഥാ​ന​ത്ത് വീ​ണ്ടും നി​പ വൈ​റ​സ് സ്ഥി​രീ​ക​രി​ച്ച സാ​ഹ​ച​ര്യ​ത്തി​ൽ ഒ​റ്റ​ക്കെ​ട്ടാ​യി പൊ​രു​താ​മെ​ന്ന് ആ​ഹ്വാ​നം ചെ​യ്ത് മു​ൻ ആ​രോ​ഗ്യ മ​ന്ത്രി വീ​ണ ജോ​ര്‍​ജ്. പൂ​നെ നാ​ഷ​ണ​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് വൈ​റോ​ള​ജി​യി​ൽ നി​ന്നു​ള്ള ഔ​ദ്യോ​ഗി​ക സ്ഥി​രീ​ക​ര​ണ​ത്തി​നാ​യി കാ​ത്തു​നി​ൽ​ക്കാ​തെ, നി​ല​വി​ലെ പ​രി​ശോ​ധ​നാ ഫ​ല​ത്തി​ന്‍റെ അ​ടി​സ്ഥാ​ന​ത്തി​ൽ അ​ടി​യ​ന്തി​ര പ്ര​തി​രോ​ധ ന​ട​പ​ടി​ക​ളി​ലേ​ക്ക് ക​ട​ക്ക​ണ​മെ​ന്ന് വീ​ണ ഫേസ്ബുക്ക് പോസ്റ്റിൽ ആ​വ​ശ്യ​പ്പെ​ട്ടു.

രോ​ഗി​ക്ക് കൃ​ത്യ​മാ​യ ചി​കി​ത്സ ഉ​റ​പ്പാ​ക്കു​ന്ന​തി​നൊ​പ്പം രോ​ഗ​വ്യാ​പ​നം ത​ട​യു​ന്ന​തി​നു​ള്ള ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കേ​ണ്ട​തു​ണ്ട്. ഷി​ഗെ​ല്ല രോ​ഗം സം​സ്ഥാ​ന​ത്ത് പ​ട​രു​ന്ന സാ​ഹ​ച​ര്യ​വും അ​തീ​വ ഗൗ​ര​വ​ത്തോ​ടെ കാ​ണ്ടേ​ണ്ട​തു​ണ്ടെ​ന്നും മ​ന്ത്രി കു​റി​ച്ചു.

ആ​ദ്യ​മാ​യി​ട്ടാ​ണ് ഇ​ത്ര​യു​മ​ധി​കം ഷി​ഗെ​ല്ല കേ​സു​ക​ൾ കേ​ര​ള​ത്തി​ൽ ഉ​ണ്ടാ​കു​ന്ന​ത് . കു​ഞ്ഞു​ങ്ങ​ൾ , പ്രാ​യ​മു​ള്ള​വ​ർ , മ​റ്റു രോ​ഗ​ങ്ങ​ളു​ള്ള​വ​ർ എ​ന്നി​വ​രി​ൽ ഷി​ഗെ​ല്ല ഗു​രു​ത​ര​മാ​കും . രോ​ഗ​ത്തി​ന്‍റെ സാ​മൂ​ഹി​ക വ്യാ​പ​നം കൂ​ടു​ത​ൽ ഉ​ണ്ടാ​കാ​തി​രി​ക്കാ​ൻ ന​ട​പ​ടി​ക​ൾ കൈ​ക്കൊ​ള്ള​ണ​മെ​ന്നും വീ​ണ ആ​വ​ശ്യ​പ്പെ​ട്ടി​ട്ടു​ണ്ട്.

അ​തേ​സ​മ​യം നി​പ പ​ശ്ചാ​ത്ത​ല​ത്തി​ൽ, ക​ഴി​ഞ്ഞ സ​ർ​ക്കാ​രി​ന്‍റെ കാ​ല​ത്ത് ഇ​ന്ന​ത്തെ ആ​രോ​ഗ്യ മ​ന്ത്രി കെ. ​മു​ര​ളീ​ധ​ര​ൻ ന​ട​ത്തി​യ പ​ഴ​യൊ​രു പ്ര​സം​ഗം പ​ല​രും ശ്ര​ദ്ധ​യി​ൽ​പ്പെ​ടു​ത്തി​യി​ട്ടു​ണ്ടെ​ന്ന് വീ​ണ ജോ​ർ​ജ് പോ​സ്റ്റി​ൽ പ​രാ​മ​ർ​ശി​ച്ചു. എ​ന്നാ​ൽ ഇ​തി​നെ​ക്കു​റി​ച്ച് ഒ​ന്നും എ​ഴു​തു​ന്നി​ല്ലെ​ന്നും ശ​രി​തെ​റ്റു​ക​ൾ കാ​ലം തെ​ളി​യി​ക്ക​ട്ടെ​യെ​ന്നും അ​വ​ർ വ്യ​ക്ത​മാ​ക്കി.

കോ​ഴി​ക്കോ​ട്: ബ​ന്ധു​നി​യ​മ​ന വി​വാ​ദ​ത്തി​ൽ സ​ണ്ണി ജോ​സ​ഫി​നെ പി​ന്തു​ണ​ച്ച് മ​ന്ത്രി കെ.​മു​ര​ളീ​ധ​ര​ൻ. നി​ല​വി​ലെ വി​വാ​ദ​ത്തി​ൽ പ​രാ​മ​ർ​ശി​ക്ക​പ്പെ​ടു​ന്ന വ്യ​ക്തി സ​ണ്ണി ജോ​സ​ഫി​ന്‍റെ ബ​ന്ധു​വാ​ണെ​ങ്കി​ലും ദീ​ർ​ഘ​കാ​ല​ത്തെ രാ​ഷ്ട്രീ​യ പാ​ര​മ്പ​ര്യ​മു​ള്ള ആ​ളാ​ണെ​ന്ന് മ​ന്ത്രി പ്ര​തി​ക​രി​ച്ചു.

വ്യ​ക്ത​മാ​യ പ്ര​വ​ർ​ത്ത​ന പാ​ര​മ്പ​ര്യ​മു​ള്ള ഒ​രാ​ളാ​ണ് സ​ണ്ണി ജോ​സ​ഫി​നൊ​പ്പം ഉ​ള്ള​ത്. സ​ണ്ണി​യു​ടെ ബ​ന്ധു​വെ​ങ്കി​ലും ബെ​ന്നി തോ​മ​സ് രാ​ഷ്ട്രീ​യ പാ​ര​മ്പ​ര്യ​മു​ള്ള​യാ​ളാ​ണെ​ന്ന് മ​ന്ത്രി പ​റ​ഞ്ഞു.

ക​ഴി​ഞ്ഞ പി​ണ​റാ​യി വി​ജ​യ​ൻ മ​ന്ത്രി​സ​ഭ​യി​ൽ മു​ഹ​മ്മ​ദ് റി​യാ​സ് മ​ന്ത്രി​യാ​യ​പ്പോ​ൾ അ​മ്മാ​യി​യ​പ്പ​ന്‍റെ കാബി​ന​റ്റി​ൽ മ​രു​മോ​നെ മ​ന്ത്രി​യാ​ക്കി​യെ​ന്ന് ത​ങ്ങ​ൾ പ​റ​ഞ്ഞി​ല്ല​ല്ലോ​യെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

തി​രു​വ​ന​ന്ത​പു​രം: വ​കു​പ്പ് വി​ഭ​ജ​ന​വു​മാ​യി ബ​ന്ധ​പ്പെ​ട്ട് യു​ഡി​എ​ഫി​ൽ ചെ​റി​യ ത​ർ​ക്ക​ങ്ങ​ളു​ണ്ടെ​ന്ന് മ​ന്ത്രി കെ.​മു​ര​ളീ​ധ​ര​ൻ. ഫി​ഷ​റീ​സ്, ഉ​ന്ന​ത​വി​ദ്യാ​ഭ്യാ​സം എ​ന്നീ വ​കു​പ്പു​ക​ളി​ലാ​ണ് പ്ര​ധാ​ന​മാ​യും ത​ർ​ക്ക​മു​ള്ള​ത്. അ​തു​കൊ​ണ്ടാ​ണ് വി​ജ്ഞാ​പ​നം ഇ​റ​ങ്ങാ​ൻ വൈ​കു​ന്ന​തെ​ന്നും അ​ദ്ദേ​ഹം പ്ര​തി​ക​രി​ച്ചു.

ഇ​ന്ന് വൈ​കു​ന്നേ​ര​ത്തേ​ക്ക് വി​ജ്ഞാ​പ​നം വ​രും. സ​ത്യ​പ്ര​തി​ജ്ഞ ക​ഴി​ഞ്ഞി​ട്ട് ഒ​രു ദി​വ​സം ആ​യ​ത​ല്ലേ​യു​ള്ളെ​ന്നും അ​ദ്ദേ​ഹം പ​റ​ഞ്ഞു.

സ​ർ​ക്കാ​ർ ആ​ശു​പ​ത്രി​കളിൽ മി​ക​ച്ച ചി​കി​ത്സ ല​ഭ്യ​മാ​ക്കും. ആ​വ​ശ്യ​ത്തി​ന് മ​രു​ന്നു​ക​ൾ ല​ഭ്യ​മാ​ക്കാൻ വേണ്ട കാര്യങ്ങൾ ചെയ്യും. തി​രു​വ​ന​ന്ത​പു​ര​ത്ത് ര​ണ്ടാ​മ​ത്തെ മെ​ഡി​ക്ക​ൽ കോ​ള​ജ് ആ​രം​ഭി​ക്കു​മെ​ന്നും ആരോഗ്യമന്ത്രി കൂട്ടിച്ചേർത്തു.

തി​രു​വ​ന​ന്ത​പു​രം: കേ​ര​ള​ത്തി​ന്‍റെ മു​ഖ്യ​മ​ന്ത്രി​യെ തീ​രു​മാ​നി​ക്കു​ന്ന​തി​ൽ എം​എ​ൽ​എ​മാ​രു​ടെ എ​ണ്ണം മാ​ത്ര​മാ​യി​രി​ക്കി​ല്ല പ്ര​ധാ​ന​മെ​ന്ന് കെ. ​മു​ര​ളീ​ധ​ര​ൻ. എ​ണ്ണം മാ​ത്ര​മെ​ങ്കി​ൽ എ​ന്നേ പ്ര​ഖ്യാ​പി​ക്കാ​മാ​യി​രു​ന്നു. ജ​ന​വി​കാ​ര​വും ഘ​ട​ക ക​ക്ഷി​ക​ളു​ടെ അ​ഭി​പ്രാ​യ​ങ്ങ​ള​ട​ക്കം ഹൈ​ക്ക​മാ​ൻ​ഡ് പ​രി​ഗ​ണി​ക്കു​മെ​ന്നും മു​ര​ളീ​ധ​ര​ൻ പ​റ​ഞ്ഞു.

മ​ത്സ​രി​ക്കാ​ത്ത ഒ​രാ​ൾ മു​ഖ്യ​മ​ന്ത്രി​യാ​യാ​ലു​ള്ള ഉ​പ​തെ​ര​ഞ്ഞെ​ടു​പ്പി​ൻ്റെ റി​സ്ക്ക് അ​ട​ക്കം എ​ഐ​സി​സി പ​രി​ഗ​ണി​ച്ചാ​യി​രി​ക്കും തീ​രു​മാ​ന​മെ​ന്നും മു​ര​ളീ​ധ​ര​ൻ പ​റ​ഞ്ഞു. മു​ഖ്യ​മ​ന്ത്രി​യെ തെ​ര​ഞ്ഞെ​ടു​ക്കു​ന്ന​തി​ൽ ജ​ന​വി​കാ​ര​വും ഘ​ട​ക ക​ക്ഷി​ക​ളു​ടെ നി​ല​പാ​ടും പ്ര​ധാ​ന​മാ​ണ്.

കോ​ൺ​ഗ്ര​സ് മു​ഖ്യ​മ​ന്ത്രി​യെ അ​ല്ല തീ​രു​മാ​നി​ക്കു​ന്ന​ത്, യു​ഡി​എ​ഫ് മു​ഖ്യ​മ​ന്ത്രി​യെ ആ​ണെ​ന്നും മു​ര​ളീ​ധ​ര​ൻ പ​റ​ഞ്ഞു. അ​തേ​സ​മ​യം, മു​ഖ്യ​മ​ന്ത്രി സ്ഥാ​ന​ത്തേ​ക്ക് ആ​രെ നി​ശ്ച​യി​ക്ക​ണ​മെ​ന്ന് തീ​രു​മാ​നി​ക്കാ​ന്‍ ഹൈ​ക്ക​മാ​ന്‍​ഡ് വി​ളി​ച്ച വി​ശാ​ല യോ​ഗം ഇ​ന്ന് ചേ​രും.

മു​ന്‍ കെ​പി​സി​സി അ​ധ്യ​ക്ഷ​ന്മാ​രു​മാ​യും, വ​ര്‍​ക്കിം​ഗ് പ്ര​സി​ഡ​ന്‍റു​മാ​രു​മാ​യും ഇ​ന്ന് ഹൈ​ക്ക​മാ​ന്‍​ഡ് നേ​തൃ​ത്വം ച​ര്‍​ച്ച ന​ട​ത്തും. നി​ല​വി​ലെ ച​ര്‍​ച്ച​യി​ല്‍ കെ.​സി. വേ​ണു​ഗോ​പാ​ലി​ന് ത​ന്നെ​യാ​ണ് മു​ന്‍​തൂ​ക്കം. ഘ​ട​ക​ക്ഷി​ക​ളു​ടെ നി​ല​പാ​ട് കൂ​ടി അ​റി​ഞ്ഞ ശേ​ഷം അ​ന്തി​മ പ്ര​ഖ്യാ​പ​നം വ​രും.

തി​രു​വ​ന​ന്ത​പു​രം: സം​സ്ഥാ​ന​ത്തെ മു​ഖ്യ​മ​ന്ത്രി തീ​രു​മാ​നം വൈ​കു​ന്ന​തി​ല്‍ ജ​ന​ങ്ങ​ള്‍​ക്ക് ബു​ദ്ധി​മു​ട്ടു​ണ്ടെ​ന്ന് മു​തി​ര്‍​ന്ന കോ​ണ്‍​ഗ്ര​സ് നേ​താ​വ് കെ. ​മു​ര​ളീ​ധ​ര​ന്‍.

ഘ​ട​ക​ക​ക്ഷി​ക​ള്‍ ഒ​രു നേ​താ​വി​ന് വേ​ണ്ടി​യും വാ​ദി​ക്കു​ന്നി​ല്ലെ​ന്നും അ​ത് ഊ​ഹാ​പോ​ഹം മാ​ത്ര​മാ​ണെ​ന്നും കെ. ​മു​ര​ളീ​ധ​ര​ന്‍ തി​രു​വ​ന​ന്ത​പു​ര​ത്ത് മാ​ധ്യ​മ​ങ്ങ​ളോ​ട് പ​റ​ഞ്ഞു.

ഓ​ടു​ന്ന ട്രെ​യി​നി​ല്‍ ന​മ്മ​ള്‍ ഓ​ടി​യി​ട്ട് കാ​ര്യ​മി​ല്ല. ട്രെ​യി​ന്‍ സ്‌​റ്റോ​പ്പി​ല്‍ എ​ത്തി​യി​ട്ടേ ഇ​റ​ങ്ങാ​ന്‍ പ​റ്റു​ക​യു​ള്ളു. ഹൈ​ക്ക​മാ​ന്‍​ഡ് തീ​രു​മാ​നം എ​ന്നാ​ണ് ഉ​ണ്ടാ​കു​ക​യെ​ന്ന് ഇ​വി​ടെ​യു​ള്ള നേ​താ​ക്ക​ന്‍​മാ​ര്‍​ക്ക് പ​റ​യാ​ന്‍ ക​ഴി​യി​ല്ല. അ​ത് ഹൈ​ക്ക​മാ​ന്‍​ഡ് തീ​രു​മാ​നി​ക്കു​മ്പോ​ഴെ പ​റ​യാ​ന്‍ പ​റ്റു​ക​യു​ള്ളു. ചി​ല അ​വ​സ​ര​ങ്ങ​ളി​ല്‍ കാ​ലാ​വ​സ്ഥ പ്ര​തി​കൂ​ല​മാ​യാ​ല്‍ ട്രെ​യി​ന്‍ വൈ​കി ഓ​ടാ​റു​ണ്ട്. പ്ര​ത്യേ​കി​ച്ച് ഡ​ല്‍​ഹി​യാ​ത്ര​യി​ല്‍ കാ​ലാ​വ​സ്ഥ മോ​ശ​മാ​കാ​റു​ണ്ട്.

എ​ന്‍റെ അ​ഭി​പ്രാ​യം ഹൈ​ക്ക​മാ​ന്‍​ഡി​നെ അ​റി​യി​ച്ചി​ട്ടു​ണ്ട്. എ​ന്‍റെ പേ​രി​ല്‍ ഫ്ല​ക്സ് ബോ​ര്‍​ഡ് വ​ച്ച​ത് ശ്ര​ദ്ധ​യി​ല്‍​പ്പെ​ട്ടി​ട്ടി​ല്ല. വ​ട്ടി​യൂ​ര്‍​ക്കാ​വി​ല്‍ ജ​ന​ങ്ങ​ള്‍​ക്ക് അ​ഭി​വാ​ദ്യം അ​റി​യി​ച്ച് ബോ​ര്‍​ഡ് വ​ച്ച​ത് ന​ല്ല​കാ​ര്യ​മാ​ണ്. ഏ​തെ​ങ്കി​ലും സ്ഥാ​ന​ത്തി​ന് വേ​ണ്ടി എ​ന്‍റെ പേ​ര് വ​യ്ക്ക​രു​തെ​ന്ന് പ​റ​ഞ്ഞി​ട്ടു​ണ്ട്. അ​ങ്ങ​നെ വ​ച്ചാ​ല്‍ അ​ത് ത​ള്ളി​പ്പ​റ​യും.

മു​ഖ്യ​മ​ന്ത്രി​യെ തെ​ര​ഞ്ഞെ​ടു​ക്കു​ന്ന​തി​ല്‍ കു​റ​ച്ചു​താ​മ​സ​മു​ണ്ടാ​കു​ന്ന​തി​ല്‍ ജ​ന​ങ്ങ​ള്‍​ക്ക് അ​സ്വ​സ്ഥ​ത​യു​ണ്ടാ​യി​ട്ടു​ണ്ട്. സ​ര്‍​ക്കാ​ര്‍ രൂ​പീ​ക​രി​ച്ച് പ്ര​വ​ര്‍​ത്ത​നം തു​ട​ങ്ങി​യാ​ല്‍ അ​തി​നെ മ​റി​ക​ട​ക്കാ​ന്‍ ക​ഴി​യും. ഘ​ട​ക​ക​ക്ഷി​ക​ളു​മാ​യി ആ​ലോ​ചി​ച്ചാ​ണ് ഹൈ​ക്ക​മാ​ന്‍​ഡ് തീ​രു​മാ​നം എ​ടു​ക്കു​ക. ആ ​തീ​രു​മാ​നം എ​ല്ലാ​വ​രും അം​ഗീ​ക​രി​ക്കും. വ​ട്ടി​യൂ​ര്‍​ക്കാ​വ് ജം​ഗ്ഷ​ന്‍, മേ​ല്‍​പ്പാ​ലം എ​ന്നി​വ​യ്ക്കാ​ണ് എം​എ​ല്‍​എ​യെ​ന്ന നി​ല​യി​ല്‍ ആ​ദ്യ​പ​രി​ഗ​ണ​ന. പി​ണ​റാ​യി പൂ​ട്ടി​യ ര​ണ്ടാ​മ​ത്തെ മെ​ഡി​ക്ക​ല്‍ കോ​ള​ജ് വീ​ണ്ടും തു​റ​ക്കും. ത​നി​ക്ക് ഒ​രു വ​കു​പ്പി​നോ​ടും പ്ര​ത്യേ​ക താ​ത്പ​ര്യ​മി​ല്ല. വ​ട്ടി​യൂ​ര്‍​ക്കാ​വ് എം​എ​ല്‍​എ എ​ന്ന് പ​റ​യു​ന്ന​തി​നോ​ടാ​ണ് താ​ത്പ​ര്യം.- കെ ​മു​ര​ളീ​ധ​ര​ന്‍ പ​റ​ഞ്ഞു.

തി​രു​വ​ന​ന്ത​പു​രം: കേ​ര​ള​ത്തി​ന്‍റെ മു​ഖ്യ​മ​ന്ത്രി​യെ ര​ണ്ടു​ദി​വ​സ​ത്തി​നു​ള്ളി​ൽ പ്ര​ഖ്യാ​പി​ക്കു​മെ​ന്ന് കെ. ​മു​ര​ളീ​ധ​ര​ൻ പ​റ​ഞ്ഞു. വേ​വോ​ളം കാ​ത്തി​രു​ന്നാ​ൽ ആ​റു​വോ​ളം കാ​ത്തി​രി​ക്കാ​മെ​ന്നാ​യി​രു​ന്നു മു​ര​ളീ​ധ​ര​ന്‍റെ പ്ര​തി​ക​ര​ണം. പ​ഴ​യ​കാ​ല​ത്ത് പ്ര​ശ്ന​ങ്ങ​ൾ വേ​ഗ​ത്തി​ൽ പ​രി​ഹ​രി​ച്ചി​രു​ന്നു. ഇ​പ്പോ​ൾ നേ​താ​ക്ക​ൾ മാ​റി​യ​പ്പോ​ൾ അ​ഭി​പ്രാ​യ വ്യ​ത്യാ​സ​ങ്ങ​ൾ ഉ​ണ്ടാ​യി എ​ന്നും മു​ര​ളീ​ധ​ര​ൻ ചൂ​ണ്ടി​ക്കാ​ട്ടി.

ഹൈ​ക്ക​മാ​ൻ​ഡ് തീ​രു​മാ​ന​ത്തി​നോ​ടൊ​പ്പം നി​ൽ​ക്കും. കോ​ൺ​ഗ്ര​സ് രാ​ഷ്ട്രീ​യ​ത്തി​ൽ ഇ​തെ​ല്ലാം പ​തി​വാ​ണ്. ഹൈ​ക്ക​മാ​ൻ​ഡ് വീ​ണ്ടും അ​ഭി​പ്രാ​യം തേ​ടി​യാ​ലും എ​ന്‍റെ അ​ഭി​പ്രാ​യം ഒ​ന്നേ​യു​ള്ളൂ. തീ​രു​മാ​നം വ​ര​ട്ടെ, വ​രു​ന്ന​തു​വ​രെ കാ​ത്തി​രി​ക്കാ​മെ​ന്നും മു​ര​ളീ​ധ​ര​ൻ വ്യ​ക്ത​മാ​ക്കി.

അ​തേ​സ​മ​യം, നേ​താ​ക്ക​ളു​ടെ മു​ന്ന​റി​യി​പ്പ് മ​റി​ക​ട​ന്നു​കൊ​ണ്ട് തെ​രു​വി​ൽ സ്ഥാ​പി​ച്ച ഫ്ല​ക്സു​ക​ൾ എ​ടു​ത്ത് മാ​റ്റാ​ൻ പ്ര​വ​ർ​ത്ത​ക​ർ ത​യ്യാ​റാ​യി​ല്ല. മ​ല​പ്പു​റം ന​ഗ​ര​ത്തി​ലെ ഫ്ല​ക്സു​ക​ളാ​ണ് എ​ടു​ത്തു മ​റ്റാ​ത്ത​തെ വ​ച്ചി​രി​ക്കു​ന്ന​ത്. കെ.​സി. വേ​ണു​ഗോ​പാ​ലി​നും വി.​ഡി. സ​തീ​ശ​നും വേ​ണ്ടി സ്ഥാ​പി​ച്ച ഫ്ല​ക്സു​ക​ളാ​ണ് ന​ഗ​ര​ത്തി​ൽ തു​ട​രു​ന്ന​ത്.

തിരുവനന്തപുരം: യുഡിഎഫിന്‍റെ മൃഗീയ ഭൂരിപക്ഷം വലിയ ഉത്തരവാദിത്തം കൂടിയാണെന്ന് കെ. മുരളീധരൻ. അതനുസരിച്ചു നേതാക്കൾ പെരുമാറണം. 2001ൽ താനടക്കമുള്ളവർ വിജയത്തിൽ മതിമറന്നതിന് പിന്നാലെ തിരിച്ചടി ഉണ്ടായെന്നും അദ്ദേഹം കൂട്ടിച്ചേർത്തു.

മുഖ്യമന്ത്രിയെ നിശ്ചയിക്കുന്നത് ഉൾപ്പെടെ പ്രശ്നങ്ങൾ ഇല്ലാതെ നടക്കണം. ടീം യുഡിഎഫ് ആയി കാര്യങ്ങൾ മുന്നോട്ട് പോകണം. മുൻപ് ചെയ്ത തെറ്റുകൾ ആവർത്തിക്കാതിരിക്കാൻ കോൺഗ്രസ് ശ്രദ്ധിക്കണമെന്നും മുരളീധരൻ ചൂണ്ടിക്കാട്ടി.

വട്ടിയൂർക്കാവിൽ തങ്ങളുടെ കണക്ക് കൃത്യമായിരുന്നു. 5000 മുതൽ 7000 വരെ ഭൂരിപക്ഷം ആണ് വിലയിരുത്തിയതെന്നും അത് സംഭവിച്ചുവെന്നും മുരളീധരൻ വ്യക്തമാക്കി.

തി​രു​വ​ന​ന്ത​പു​രം: നി​യ​മ​സ​ഭാ തെ​ര​ഞ്ഞെ​ടു​പ്പി​ൽ വ​ട്ടി​യൂ​ർ​ക്കാ​വ് മ​ണ്ഡ​ല​ത്തി​ൽ യു​ഡി​എ​ഫ് സ്ഥാ​നാ​ർ​ഥി കെ. ​മു​ര​ളീ​ധ​ര​ന്‍റെ ഭൂ​രി​പ​ക്ഷം കൃ​ത്യ​മാ​യി പ്ര​വ​ചി​ക്കു​ന്ന​വ​ർ​ക്ക് സ​മ്മാ​നം പ്ര​ഖ്യാ​പി​ച്ച് തെ​ന്ന​ല ബാ​ല​കൃ​ഷ്ണ​പി​ള്ള ഫൗ​ണ്ടേ​ഷ​ൻ. 5001 രൂ​പ​യാ​ണ് സ​മ്മാ​ന​മാ​യി പ്ര​ഖ്യാ​പി​ച്ചി​ട്ടു​ള്ള​ത്.

ഫൗ​ണ്ടേ​ഷ​ന്‍റെ ചെ​യ​ർ​മാ​ൻ കാ​ച്ചാ​ണി സ​നി​ൽ ആ​ണ് ഈ ​പ്ര​ഖ്യാ​പ​നം ന​ട​ത്തി​യ​ത്. വ​ട്ടി​യൂ​ർ​ക്കാ​വി​ൽ യു​ഡി​എ​ഫ് സ്ഥാ​നാ​ർ​ഥി​യാ​യി കെ. ​മു​ര​ളീ​ധ​ര​നും എ​ൽ​ഡി​എ​ഫ് സ്ഥാ​നാ​ർ​ത്ഥി​യാ​യ വി.​കെ. പ്ര​ശാ​ന്തും എ​ൻ​ഡി​എ സ്ഥാ​നാ​ർ​ഥി​യാ​യി ആ​ർ ശ്രീ​ലേ​ഖ​യു​മാ​ണ് മ​ത്സ​രം​ഗ​ത്തു​ണ്ടാ​യി​രു​ന്ന​ത്.

വ​ട്ടി​യൂ​ർ​ക്കാ​വ് ഇ​ട​തി​നൊ​പ്പം ത​ന്നെ നി​ൽ​ക്കു​മെ​ന്നാ​യി​രു​ന്നു തെ​ര​ഞ്ഞെ​ടു​പ്പി​ന് ശേ​ഷ​മു​ള്ള എ​ൽ​ഡി​എ​ഫ് സ്ഥാ​നാ​ർ​ഥി വി.​കെ. പ്ര​ശാ​ന്തി​ന്‍റെ പ്ര​തി​ക​ര​ണം. വ​ട്ടി​യൂ​ർ​ക്കാ​വി​ല്‍ പൊ​ളി​റ്റി​ക്ക​ൽ ബ​ലാ​ബ​ലം മാ​ത്ര​മ​ല്ല ഫ​ലം നി​ർ​ണ​യി​ക്കു​ക. വ്യ​ക്തി​പ​ര​മാ​യ വോ​ട്ടു​ക​ൾ കൂ​ടി പ്ര​ധാ​ന​മാ​ണ്.

എ​ൽ​ഡി​എ​ഫി​ന് ഇ​വി​ടെ വോ​ട്ടു​ണ്ട്. ഒ​പ്പം സി​റ്റിം​ഗ് എം​എ​ൽ​എ എ​ന്ന ത​ര​ത്തി​ൽ വ്യ​ക്തി​പ​ര​മാ​യി ല​ഭി​ക്കു​ന്ന വോ​ട്ടു​ക​ൾ കൂ​ടി​യു​ണ്ട്. ബി​ജെ​പി ഇ​വി​ടെ നി​ശ​ബ്ദ​മാ​യി​രു​ന്നു​വെ​ന്നും വി ​കെ പ്ര​ശാ​ന്ത് പ്ര​തി​ക​രി​ച്ചു.

കോ​ഴി​ക്കോ​ട്: ഇ​ത്ത​വ​ണ​ത്തെ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ മൂ​ഡി​ല്ലെ​ന്ന് കോ​ൺ​ഗ്ര​സ് നേ​താ​വ് കെ. ​മു​ര​ളീ​ധ​ര​ൻ. എ​ല്ലാ കാ​ര്യ​ങ്ങ​ളും പാ​ർ​ട്ടി​യാ​യി​രി​ക്കും തീ​രു​മാ​നി​ക്കു​ക​യെ​ന്നും മു​ര​ളീ​ധ​ര​ൻ വ്യ​ക്ത​മാ​ക്കി.

'എ​ല്ലാ ത​വ​ണ​യും മ​ത്സ​രി​ക്കു​ന്ന​തി​ൽ അ​ല്ല കാ​ര്യം. തി​രു​വ​ന​ന്ത​പു​രം അ​ട​ക്കം ത്രി​കോ​ണ മ​ത്സ​രം ന​ട​ക്കു​ന്ന മ​ണ്ഡ​ല​ങ്ങ​ളി​ൽ ഇ​ത്ത​വ​ണ കേ​ന്ദ്രീ​ക​രി​ച്ചു പ്ര​വ​ർ​ത്തി​ക്കാ​മ​ല്ലോ.'-​മു​ര​ളീ​ധ​ര​ൻ പ​റ​ഞ്ഞു.

​മു​ര​ളീ​ധ​ര​ൻ മ​ത്സ​രി​ക്ക​ണ​മെ​ന്നാ​വ​ശ്യ​പ്പെ​ട്ട് സം​സ്ഥാ​ന​ത്തെ വി​വി​ധ സ്ഥ​ല​ങ്ങ​ളി​ൽ പോ​സ്റ്റ​റ്റു​ക​ൾ പ്ര​ത്യ​ക്ഷ​പ്പെ​ട്ട​തി​ന് പി​ന്നാ​ലെ​യാ​യി​രു​ന്നു അദ്ദേഹത്തിന്‍റെ പ്ര​തി​ക​ര​ണം. എ​ല്ലാ​യി​ട​ത്തു​നി​ന്നും വി​ളി​ക​ൾ വ​രു​ന്നു​ണ്ടെ​ന്നു പ​റ​ഞ്ഞ മു​ര​ളീ​ധ​ര​ൻ ഇ​ത് സ്നേ​ഹം കൊ​ണ്ടാ​ണോ ന​ശി​പ്പി​ക്കാ​നാ​ണോ എ​ന്ന​റി​യി​ല്ലെ​ന്നും പ​റ​ഞ്ഞു.

വ​ട്ടി​യൂ​ർ​ക്കാ​വ്, ഗു​രു​വാ​യൂ​ർ, തൃ​ശൂ​ർ, പാ​ല​ക്കാ​ട്, തി​രു​വ​മ്പാ​ടി, കാ​യം​കു​ളം തു​ട​ങ്ങി​യ ഇ​ട​ങ്ങ​ളി​ലാ​ണ് പോ​സ്റ്റ​റു​ക​ൾ പ്ര​ത്യ​ക്ഷ​പ്പെ​ട്ട​ത്. മ​ണ്ഡ​ലം തി​രി​ച്ചു പി​ടി​ക്കാ​ൻ മ​തേ​ത​ര​ത്വ​ത്തി​ന്‍റെ കാ​വ​ലാ​ൾ എ​ന്നാ​ണ് തി​രു​വ​മ്പാ​ടി​യി​ലെ പോ​സ്റ്റ​ർ. ലീ​ഗി​ൽ നി​ന്നും സീ​റ്റ് ഏ​റ്റെ​ടു​ത്ത് കോ​ൺ​ഗ്ര​സ് മ​ത്സ​രി​ക്ക​ണം എ​ന്ന ആ​വ​ശ്യം ഉ​യ​രു​ന്ന​തി​നി​ടെ​യാ​ണ് മു​ര​ളി​ക്ക് വേ​ണ്ടി​യു​ള്ള പോ​സ്റ്റ​റു​ക​ൾ പ​ല​യി​ട​ത്തും വ​രു​ന്ന​ത്.

തെ​ക്ക​ൻ കേ​ര​ള​ത്തി​ൽ ലീ​ഗ് നോ​ട്ട​മി​ട്ട സീ​റ്റു​ക​ളി​ൽ ഒ​ന്നാ​ണ് കാ​യം​കു​ളം. സീ​റ്റ് മാ​റ്റ​ത്തി​ൽ ഉ​ഭ​യ​ക​ക്ഷി ച​ർ​ച്ച​ക​ൾ ന​ട​ക്കു​ന്ന​തി​നി​ടെ​യാ​ണ് ഇ​വി​ടെ​യും മു​ര​ളി​ക്ക് വേ​ണ്ടി പോ​സ്റ്റ​റു​ക​ൾ ഉ​യ​ർ​ന്ന​ത്. തി​രു​വ​മ്പാ​ടി​യി​ൽ ഉ​ട​മ​സ്ഥ​ർ ഇ​ല്ലാ​തെ​യാ​ണ് പോ​സ്റ്റ​റെ​ങ്കി​ൽ കാ​യം​കു​ള​ത്ത് കോ​ൺ​ഗ്ര​സ് കൂ​ട്ടാ​യ്മ​യു​ടെ പേ​രി​ലാ​ണ് പോ​സ്റ്റ​ർ.

തി​രു​വ​ന​ന്ത​പു​രം: പ​ത്മ​ഭൂ​ഷ​ൺ പു​ര​സ്കാ​ര​ത്തി​ന് അ​ർ​ഹ​നാ​യ എ​സ്എ​ൻ​ഡി​പി യോ​ഗം ജ​ന​റ​ൽ സെ​ക്ര​ട്ട​റി വെ​ള്ളാ​പ്പ​ള്ളി ന​ടേ​ശ​നെ പ​രോ​ക്ഷ​മാ​യി വി​മ​ർ​ശി​ച്ച് മു​തി​ർ​ന്ന കോ​ൺ​ഗ്ര​സ് നേ​താ​വ് കെ. ​മു​ര​ളീ​ധ​ര​ൻ.

മൂ​ന്ന് പ​ത്മ പു​ര​സ്കാ​ര​ങ്ങ​ൾ സ്വാ​ഗ​തം ചെ​യ്യു​ന്നു, പ​ത്മ പു​ര​സ്കാ​ര​ങ്ങ​ൾ രാ​ഷ്ട്രീ​യ​നേ​ട്ട​ത്തി​ന് ഉ​പ​യോ​ഗി​ക്കാ​ൻ പാ​ടി​ല്ല. വി.​എ​സ്. അ​ച്യു​താ​ന​ന്ദ​ൻ, മ​മ്മൂ​ട്ടി, വി​മ​ലാ മേ​നോ​ൻ എ​ന്നി​വ​രു​ടെ മൂ​ന്ന് പു​ര​സ്കാ​ര​ങ്ങ​ളും അം​ഗീ​ക​രി​ക്കു​ന്നു. എ​ന്നാ​ൽ, മ​റ്റ് പു​ര​സ്‌​കാ​ര​ങ്ങ​ളെ​ക്കു​റി​ച്ച് പ​റ​യാ​നി​ല്ല. ദു​രു​ദ്ദേ​ശ​ങ്ങ​ൾ ജ​നം മ​ന​സി​ലാ​ക്കു​മെ​ന്നും മു​ര​ളീ​ധ​ര​ൻ പ​റ​ഞ്ഞു.

അ​തേ​സ​മ​യം, ശ​ശി ത​രൂ​രി​ന്‍റെ സി​പി​എം പ്ര​വേ​ശ​ന​വു​മാ​യി ബ​ന്ധ​പ്പെ​ട്ട അ​ഭ്യൂ​ഹ​ങ്ങ​ൾ​ക്കും അ​ദ്ദേ​ഹം മ​റു​പ​ടി ന​ൽ​കി. അ​ദ്ദേ​ഹ​ത്തെ പോ​ലെ അ​ന്ത​ർ​ദേ​ശീ​യ ത​ല​ത്തി​ൽ അ​റി​യ​പ്പെ​ടു​ന്ന നേ​താ​വ് മു​ങ്ങു​ന്ന ക​പ്പ​ലി​ൽ ക​യ​റു​മെ​ന്ന് സാ​മാ​ന്യ​ബോ​ധ​മു​ള്ള ആ​രും വി​ശ്വ​സി​ക്കി​ല്ലെ​ന്ന് മു​ര​ളീ​ധ​ര​ൻ പ​രി​ഹ​സി​ച്ചു.

ക്യാ​പ്റ്റ​ൻ അ​ട​ക്കം മു​ങ്ങാ​ൻ പോ​കു​ന്ന ക​പ്പ​ലാ​ണ്. ഏ​പ്രി​ൽ ഒ​ന്നാം തി​യ​തി മാ​ത്രം പ​റ​യാ​നാ​കു​ന്ന കാ​ര്യം. കോ​ൺ​ഗ്ര​സ് പാ​ർ​ട്ടി​യി​ൽ ത​രൂ​രി​ന് അ​ഭി​പ്രാ​യ​വ്യ​ത്യാ​സം ഉ​ണ്ടാ​കാം. മ​ഹാ പ​ഞ്ചാ​യ​ത്തി​ൽ ത​രൂ​രി​ന്‍റെ പേ​ര് പ​രാ​മ​ർ​ശി​ക്കാ​ത്ത​തി​ൽ അ​ദ്ദേ​ഹ​ത്തി​ന് പ്ര​യാ​സ​മു​ണ്ടാ​യി​ട്ടു​ണ്ട്.

രാ​ഹു​ൽ ഗാ​ന്ധി​ക്ക് എ​ഴു​തി ന​ൽ​കി​യ പേ​രു​ക​ളാ​ണ് വാ​യി​ച്ച​ത്. രാ​ഹു​ൽ ഗാ​ന്ധി മ​നഃ​പൂ​ർ​വം പേ​ര് ഒ​ഴി​വാ​ക്കി​യി​ട്ടി​ല്ല. ത​രൂ​രി​ന് പ്ര​യാ​സം ഉ​ണ്ടാ​യാ​ൽ ഗൗ​ര​വ​മാ​യി പാ​ർ​ട്ടി കാ​ണും. ര​ണ്ടു​ദി​വ​സ​ത്തി​നു​ള്ളി​ൽ രാ​ഹു​ൽ ഗാ​ന്ധി നേ​രി​ട്ട് ത​രൂ​രു​മാ​യി സം​സാ​രി​ക്കും.

അ​ദ്ദേ​ഹ​ത്തി​ന്‍റെ പ്ര​യാ​സം പ​രി​ഹ​രി​ക്കും. ഫു​ൾ​ടൈം രാ​ഷ്ട്രീ​യ​ക്കാ​ര​ൻ അ​ല്ലാ​ത്ത​തു​കൊ​ണ്ടാ​ണ് ഇ​ത്ത​രം സം​ഭ​വ​ങ്ങ​ൾ അ​ദ്ദേ​ഹ​ത്തെ വേ​ദ​നി​പ്പി​ക്കു​ന്ന​ത്. ത​ങ്ങ​ൾ​ക്കൊ​ന്നും ഇ​ത് പ്ര​ശ്ന​മ​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

തി​രു​വ​ന​ന്ത​പു​രം: വ​രു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ഏ​റ്റ​വും മി​ക​ച്ച സ്ഥാ​നാ​ർ​ഥി​ക​ളെ ആ​യി​രി​ക്കും കോ​ൺ​ഗ്ര​സ് അ​വ​ത​രി​പ്പി​ക്കു​ക​യെ​ന്ന് മു​തി​ർ​ന്ന നേ​താ​വ് കെ. ​മു​ര​ളീ​ധ​ര​ൻ. യു​വാ​ക്ക​ളും വ​നി​ത​ക​ളും അ​നു​ഭ​വ സ​മ്പ​ന്ന​രും പ​ട്ടി​ക​യി​ൽ ഉ​ണ്ടാ​കു​മെ​ന്നും മു​ര​ളീ​ധ​ര​ൻ വ്യ​ക്ത​മാ​ക്കി.

ഇ​ത്ത​വ​ണ തെ​ര​ഞ്ഞെ​ടു​പ്പി​ന് മു​ൻ​പും ശേ​ഷ​വും പാ​ർ​ട്ടി​യി​ൽ ത​ർ​ക്കം ഉ​ണ്ടാ​കി​ല്ല. സ്ഥാ​നാ​ർ​ഥി നി​ർ​ണ​യം ത​ർ​ക്കം ഇ​ല്ലാ​തെ പൂ​ർ​ത്തീ​ക​രി​ക്കും. കോ​ൺ​ഗ്ര​സ്‌ ബൂ​ത്ത്‌ ക​മ്മി​റ്റി​ക​ൾ പു​ന​സം​ഘ​ടി​പ്പി​ക്കു​മെ​ന്നും മു​ര​ളീ​ധ​ര​ൻ പ​റ​ഞ്ഞു.

നി​യ​മ​സ​ഭ തെ​ര​ഞ്ഞെ​ടു​പ്പി​ലും സി​പി​എം - ബി​ജെ​പി അ​ന്ത​ർ​ധാ​ര മ​ണ​ക്കു​ന്നു​ണ്ടെ​ന്നും മു​ര​ളീ​ധ​ര​ൻ ആ​രോ​പി​ച്ചു. നേ​മ​ത്ത് നി​ന്നു​ള്ള ശി​വ​ൻ​കു​ട്ടി​യു​ടെ​യും വ​ട്ടി​യൂ​ർ​ക്കാ​വി​ൽ നി​ന്നും ശ്രീ​ലേ​ഖ​യു​ടെ​യും പി​ന്മാ​റ്റം ഇ​തി​ന് തെ​ളി​വാ​ണെ​ന്ന് മു​ര​ളീ​ധ​ര​ൻ പ​റ​ഞ്ഞു.

തിരുവനന്തപുരം: കിഫ്ബി മസാല ബോണ്ട് ഇടപാടില്‍ മുഖ്യമന്ത്രിക്കെതിരേ ഇഡി നോട്ടീസ് അയച്ചതിനു പിന്നാലെ പ്രതികരണവുമായി കോണ്‍ഗ്രസ് നേതാവ് കെ. മുരളീധരന്‍.

മുഖ്യമന്ത്രിക്ക് ഇടയ്ക്കിടയ്ക്ക് നോട്ടീസ് കിട്ടാറുണ്ടെന്നും തെരഞ്ഞെടുപ്പ് അടുക്കുമ്പോള്‍ ബിജെപിക്ക് അനുകൂലമായ സ്റ്റാന്‍ഡ് എടുപ്പിക്കാനുംകൂടിയാണിതെന്നും അദ്ദേഹം വിമർശിച്ചു.

ആര് പൊക്കിയാലും പക്ഷേ ബിജെപി പൊങ്ങില്ല. ഇടയ്ക്കിടയ്ക്ക് പേടിപ്പിക്കും, അതുപോലെ കെട്ടുപോകും. ഇതൊക്കെ മറച്ചുവയ്ക്കാനാണ് പലരും രാഹുൽ മാങ്കൂട്ടത്തിലുമായി ഇറങ്ങിയിരിക്കുന്നതെന്നും മുരളീധരൻ കൂട്ടിച്ചേർത്തു.

മസാല ബോണ്ട് ഇടപാടുമായി ബന്ധപ്പെട്ട് മുഖ്യമന്ത്രി പിണറായി വിജയൻ, മുൻ ധനമന്ത്രി തോമസ് ഐസക് ഉൾപ്പെടെയുള്ളവർക്കാണ് ഇഡി അഡ്ജ്യൂഡിക്കേറ്റിംഗ് അതോറിറ്റി കാരണംകാണിക്കൽ നോട്ടീസ് അയച്ചത്. ശനിയാഴ്ചയാണ് ഇഡി നോട്ടീസ് നൽകിയത്. കിഫ്ബിയുടെ ചെയർമാനാണ് മുഖ്യമന്ത്രി.

കിഫ്ബി ധനസമാഹരണം ലക്ഷ്യമിട്ട് മസാലബോണ്ട് വഴി സമാഹരിച്ച പണം അടിസ്ഥാന സൗകര്യ പദ്ധതികൾക്ക് വിനിയോഗിച്ചത് ചട്ടലംഘനമെന്ന് ഇഡി കണ്ടെത്തിയതിന്‍റെ അടിസ്ഥാനത്തിലാണ് കാരണം കാണിക്കൽ നോട്ടീസ് കണ്ടെത്തിയത്. അന്വേഷണത്തിൽ ഫെമ ചട്ട ലംഘനവും കണ്ടെത്തി.

ഇതുമായി ബന്ധപ്പെട്ട അന്തിമ റിപ്പോർട്ട് മൂന്ന് മാസം മുമ്പ് ചെന്നൈയിലെ അഡ്ജ്യൂഡിക്കേറ്റിംഗ് അതോറിറ്റിക്ക് സമർപ്പിച്ചിരുന്നു. ഈ റിപ്പോർട്ടിന്‍റെ തുടർച്ചയായിട്ടാണ് ഉദ്യോഗസ്ഥർ ഉൾപ്പെടെയുള്ളവർക്ക് നോട്ടീസ് നൽകിയിരിക്കുന്നത്.

മുഖ്യമന്ത്രി ഉൾപ്പെടെയുള്ളവർക്ക് നേരിട്ടോ, പ്രതിനിധി വഴിയോ, അഭിഭാഷകൻ വഴിയോ നിയമപരമായി നോട്ടീസിന് മറുപടി നൽകാൻ അവസരമുണ്ട്. കേസിൽ തുടർ നടപടികൾ ഉടൻ ഉണ്ടാകുമെന്നാണ് സൂചന.

2019ൽ 9.72ശതമാനം പലിശയിൽ ലണ്ടൻ സ്റ്റോക്ക് എക്‌സ്‌ചേഞ്ചിൽ മസാലബോണ്ടിറക്കി 2150 കോടിയാണ് കിഫ്ബി സമാഹരിച്ചത്. 2019 ജനുവരി 17ന് മുഖ്യമന്ത്രിയുടെ നേതൃത്വത്തിൽ ചേർന്ന കിഫ്ബി ബോർഡ് യോഗത്തിലാണ് മാസാലബോണ്ട് ഇറക്കാനുള്ള നടപടികൾ പൂർത്തിയാക്കാൻ തീരുമാനിച്ചത്. വിഷയത്തിൽ തോമസ് ഐസക്കിന് ഇഡി നേരത്തെയും സമൻസ് അയച്ചിരുന്നു.

ക​ണ്ണൂ​ര്‍: രാ​ഹു​ല്‍ മാ​ങ്കൂ​ട്ട​ത്തി​ല്‍ യു​വ​തി​യെ ഗ​ര്‍​ഭഛി​ദ്ര​ത്തി​ന് നി​ര്‍​ബ​ന്ധി​ക്കു​ന്ന ഫോ​ണ്‍ സം​ഭാ​ഷ​ണം പു​റ​ത്തു​വ​ന്ന​തി​ല്‍ പ്ര​തി​ക​ര​ണ​വു​മാ​യി മു​തി​ര്‍​ന്ന കോ​ണ്‍​ഗ്ര​സ് നേ​താ​വ് കെ. ​മു​ര​ളീ​ധ​ര​ന്‍. രാ​ഹു​ല്‍ വി​ഷ​യ​ത്തി​ല്‍ ന​ട​പ​ടി എ​ടു​ക്കേ​ണ്ട​ത് സ​ര്‍​ക്കാ​രാ​ണെ​ന്നും സ​ര്‍​ക്കാ​ര്‍ പ​രി​ശോ​ധി​ച്ച് ന​ട​പ​ടി എ​ടു​ക്ക​ണ​മെ​ന്നും മു​ര​ളീ​ധ​ര​ന്‍ പ​റ​ഞ്ഞു.

സ​ര്‍​ക്കാ​ര്‍ ന​ട​പ​ടി​യെ​ടു​ത്താ​ൽ പാ​ര്‍​ട്ടി​യും കൂ​ടു​ത​ല്‍ ന​ട​പ​ടി​യെ​ടു​ക്കും. സ​സ്‌​പെ​ന്‍​ഷ​നി​ല്‍ നി​ന്ന് കൂ​ടു​ത​ല്‍ ന​ട​പ​ടി​യി​ലേ​ക്ക് പോ​ക​ണ​മെ​ങ്കി​ല്‍ സ​ര്‍​ക്കാ​ര്‍ ന​ട​പ​ടി​യെ​ടു​ക്ക​ണ​മെ​ന്നും മു​ര​ളീ​ധ​ര​ന്‍ പ​റ​ഞ്ഞു.

രാ​ഹു​ല്‍ മാ​ങ്കൂ​ട്ട​ത്തി​ല്‍ വി​ഷ​യം പ​രി​ശോ​ധി​ച്ച് സ​ര്‍​ക്കാ​ര്‍ ന​ട​പ​ടി​യെ​ടു​ക്ക​ണം. ശ​ബ്ദ​രേ​ഖ​യ​ല്ല ന​ട​പ​ടി​യാ​ണ് വേ​ണ്ട​ത്. പോ​ലീ​സി​ന്‍റെ ഭാ​ഗ​ത്തു​നി​ന്നും ന​ട​പ​ടി ഉ​ണ്ടാ​യാ​ലേ പു​റ​ത്താ​ക്ക​ലി​നെ പ​റ്റി ചി​ന്തി​ക്കൂ.

യാ​ഥാ​ർ​ഥ്യം മ​ന​സി​ലാ​ക്കി ന​ട​പ​ടി​ക​ളി​ലേ​ക്ക് പോ​കേ​ണ്ട​ത് പോ​ലീ​സാ​ണ്. ഇ​പ്പോ​ള്‍ പാ​ര്‍​ട്ടി​യി​ല്‍ ഇ​ല്ലാ​ത്ത ഒ​രാ​ള്‍​ക്കെ​തി​രെ വ്യ​ക്ത​മാ​യ തെ​ളി​വു​ക​ളോ​ട് കൂ​ടി​യ ന​ട​പ​ടി സ​ര്‍​ക്കാ​രി​ന്‍റെ ഭാ​ഗ​ത്തു​നി​ന്നാ​ണ് ഉ​ണ്ടാ​വേ​ണ്ട​തും ​മു​ര​ളീ​ധ​ര​ന്‍ പ​റ​ഞ്ഞു.

തി​രു​വ​ന​ന്ത​പു​രം: ശ​ശി ത​രൂ​രി​നെ​തി​രേ വി​മ​ര്‍​ശ​ന​വു​മാ​യി കോ​ണ്‍​ഗ്ര​സ് നേ​താ​വ് കെ.​മു​ര​ളീ​ധ​ര​ന്‍. യു​ഡി​എ​ഫ് അ​ധി​കാ​ര​ത്തി​ല്‍ വ​ന്നാ​ല്‍ യു​ഡി​എ​ഫി​ലു​ള്ള​വ​രെ മു​ഖ്യ​മ​ന്ത്രി​യാ​കൂ. താ​ന്‍ ഏ​ത് പാ​ര്‍​ട്ടി​യി​ലാ​ണെ​ന്ന് ത​രൂ​ര്‍ തീ​രു​മാ​നി​ക്ക​ണ​മെ​ന്ന് മു​ര​ളീ​ധ​ര​ന്‍ പ്ര​തി​ക​രി​ച്ചു.

മു​ഖ്യ​മ​ന്ത്രി​യാ​കാ​ന്‍ അ​ര്‍​ഹ​ത​പ്പെ​ട്ട​വ​ര്‍ ഏ​റെ​യു​ണ്ട്. അ​വ​രി​ല്‍ ഒ​രാ​ള്‍ മു​ഖ്യ​മ​ന്ത്രി​യാ​കും. ആ​ര് സ​ര്‍​വേ ന​ട​ത്തി​യാ​ലും പാ​ര്‍​ട്ടി തീ​രു​മാ​നി​ക്കു​ന്ന​ത് പോ​ലെ​യാ​ണ് കാ​ര്യ​ങ്ങ​ള്‍ ന​ട​ക്കു​ക​യെ​ന്നും മു​ര​ളീ​ധ​ര​ന്‍ പ​റ​ഞ്ഞു.

അ​ടി​യ​ന്ത​രാ​വ​സ്ഥ​യെ​ക്കു​റി​ച്ചു​ള​ള ച​ര്‍​ച്ച​യ്ക്ക് ഇ​പ്പോ​ള്‍ പ്ര​സ​ക്തി​യി​ല്ല. എ​ന്തു​കൊ​ണ്ട് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു എ​ന്ന​തി​നേ​ക്കു​റി​ച്ച് ഇ​ന്ദി​രാ​ഗാ​ന്ധി ത​ന്നെ വി​ശ​ദീ​ക​രി​ച്ചി​ട്ടു​ണ്ടെ​ന്നും മു​ര​ളീ​ധ​ര​ന്‍ കൂ​ട്ടി​ച്ചേ​ര്‍​ത്തു.

തി​​​രു​​​വ​​​ന​​​ന്ത​​​പു​​​രം: പൂ​​​ർ​​​ണ യോ​​​ഗ്യ​​​രാ​​​യ ഹ​​​യ​​​ർ സെ​​​ക്ക​​​ൻ​​​ഡ​​​റി അ​​​ധ്യാ​​​പ​​​ക​​​രെ മാ​​​റ്റി നി​​​ർ​​​ത്തി ഹ​​​യ​​​ർ സെ​​​ക്ക​​​ൻ​​​ഡ​​​റി പ്രി​​​ൻ​​​സി​​​പ്പ​​​ൽ നി​​​യ​​​മ​​​ന​​​ത്തി​​​ൽ കാ​​​ൽ നൂ​​​റ്റാ​​​ണ്ടാ​​​യി തു​​​ട​​​രു​​​ന്ന അ​​​നീ​​​തി അ​​​വ​​​സാ​​​നി​​​പ്പി​​​ക്ക​​​ണ​​​മെ​​​ന്ന് കെ​​​പി​​​സി​​​സി മു​​​ൻ പ്ര​​​സി​​​ഡ​​​ന്‍റ് കെ. ​​​മു​​​ര​​​ളീ​​​ധ​​​ര​​​ൻ. ഹ​​​യ​​​ർ​​​സെ​​​ക്ക​​​ൻ​​​ഡ​​​റി സ്കൂ​​​ൾ ടീ​​​ച്ചേ​​​ഴ്സ് അ​​​സോ​​​സി​​​യേ​​​ഷ​​​ന്‍റെ നേ​​​തൃ​​​ത്വ​​​ത്തി​​​ൽ ന​​​ട​​​ന്ന സെ​​​ക്ര​​​ട്ടേ​​​റി​​​യ​​​റ്റ് ധ​​​ർ​​​ണ ഉ​​​ദ്ഘാ​​​ട​​​നം ചെ​​​യ്തു പ്ര​​​സം​​​ഗി​​​ക്കു​​​ക​​​യാ​​​യി​​​രു​​​ന്നു അ​​​ദ്ദേ​​​ഹം. മൂ​​​ന്നു​​​പ​​​തി​​​റ്റാ​​​ണ്ടു മു​​​ന്പ് രൂ​​​പീ​​​ക​​​രി​​​ക്ക​​​പ്പെ​​​ട്ട സ്പെ​​​ഷ​​​ൽ റൂ​​​ൾ പ്ര​​​കാ​​​രം ആ​​​കെ​​​യു​​​ള്ള പ്രി​​​ൻ​​​സി​​​പ്പ​​​ൽ ത​​​സ്തി​​​ക​​​യു​​​ടെ മൂ​​​ന്നി​​​ലൊ​​​ന്ന് ഭാ​​​ഗം ഹൈ​​​സ്കൂ​​​ൾ ഹെ​​​ഡ്മാ​​​സ്റ്റ​​​ർ​​​മാ​​​ർ​​​ക്ക് നീ​​​ക്കി​​​വ​​​യ്ക്ക​​​പ്പെ​​​ട്ട സാ​​​ഹ​​​ച​​​ര്യം മാ​​​റ്റം വ​​​ന്ന​​​തി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ മു​​​ഴു​​​വ​​​ൻ ഒ​​​ഴി​​​വു​​​ക​​​ളും യോ​​​ഗ്യ​​​രാ​​​യ ഹ​​​യ​​​ർ സെ​​​ക്ക​​​ൻ​​​ഡ​​​റി അ​​​ധ്യാ​​​പ​​​ക​​​രു​​​ടെ പ്ര​​​മോ​​​ഷ​​​ൻ ത​​​സ്തി​​​ക​​​യാ​​​ക്ക​​​ണ​​​മെ​​​ന്ന 2018ലെ ​​​കോ​​​ട​​​തി നി​​​ർ​​​ദേ​​​ശം ന​​​ട​​​പ്പി​​​ലാ​​​ക്കാ​​​തെ മു​​​ന്നോ​​​ട്ടുപോ​​​വു​​​ന്ന സ​​​ർ​​​ക്കാ​​​ർ നി​​​ല​​​പാ​​​ട് അ​​​വ​​​സാ​​​നി​​​പ്പി​​​ക്ക​​​ണം.

കൂ​​​ടാ​​​തെ ആ​​​കെ​​​യു​​​ള്ള പ്രി​​​ൻ​​​സി​​​പ്പ​​​ൽ നി​​​യ​​​മ​​​ന​​​ത്തി​​​ൽ മൂ​​​ന്നി​​​ലൊ​​​ന്നു ഭാ​​​ഗം കേ​​​ഡ​​​ർ സ്ട്രെ​​​ങ്്തി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ സ്ഥി​​​ര​​​മാ​​​യി ഹെ​​​ഡ്മാ​​​സ്റ്റ​​​ർ​​​മാ​​​ർ​​​ക്കാ​​​യി നീ​​​ക്കി വ​​​ക്കാ​​​നു​​​ള്ള നീ​​​ക്കം ഒ​​​രു കാ​​​ര​​​ണ​​​വ​​​ശാ​​​ലും അം​​​ഗീ​​​ക​​​രി​​​ക്കാ​​​നാ​​​വാ​​​ത്ത​​​താ​​​ണെ​​​ന്നും ഇ​​​തി​​​നെ രാ​​​ഷ്ട്രീ​​​യ​​​മാ​​​യും നി​​​യ​​​മ​​​പ​​​ര​​​മാ​​​യും നേ​​​രി​​​ടു​​​മെ​​​ന്നും എ​​​ച്ച്എ​​​സ്എ​​​സ്ടി​​​എ നേ​​​താ​​​ക്ക​​​ൾ പ​​​റ​​​ഞ്ഞു.

വി​​​ദ്യാ​​​ഭ്യാ​​​സ മേ​​​ഖ​​​ല​​​യാ​​​കെ കു​​​ത്ത​​​ഴി​​​ഞ്ഞ നി​​​ല​​​യി​​​ലാ​​​ക്കി ന​​​ന്പ​​​ർ വ​​​ണ്‍ സം​​​സ്ഥാ​​​ന​​​മെ​​​ന്ന് മേ​​​നി ന​​​ടി​​​ക്കു​​​ന്ന ഇ​​​ട​​​തു സ​​​ർ​​​ക്കാ​​​രി​​​ന്‍റെ ത​​​ല​​​തി​​​രി​​​ഞ്ഞ ന​​​യം യു​​​ഡി​​​എ​​​ഫ് സ​​​ർ​​​ക്കാ​​​ർ അ​​​ധി​​​കാ​​​ര​​​ത്തി​​​ൽ വ​​​ന്നാ​​​ൽ തി​​​രു​​​ത്തു​​​മെ​​​ന്ന് മു​​​ഖ്യ​​​പ്ര​​​ഭാ​​​ഷ​​​ണം നി​​​ർ​​​വ​​​ഹി​​​ച്ച കെ​​​പി​​​സി​​​സി സെ​​​ക്ര​​​ട്ട​​​റി ഡോ. ​​​ജി.​​​വി. ഹ​​​രി പ​​​റ​​​ഞ്ഞു. സം​​​സ്ഥാ​​​ന പ്ര​​​സി​​​ഡ​​​ന്‍റ് കെ. ​​​വെ​​​ങ്കി​​​ട​​​മൂ​​​ർ​​​ത്തി അ​​​ധ്യ​​​ക്ഷ​​​ത വ​​​ഹി​​​ച്ചു. സം​​​സ്ഥാ​​​ന ജ​​​ന​​​റ​​​ൽ സെ​​​ക്ര​​​ട്ട​​​റി അ​​​നി​​​ൽ എം. ​​​ജോ​​​ർ​​​ജ്, സെ​​​റ്റോ ചെ​​​യ​​​ർ​​​മാ​​​ൻ ച​​​വ​​​റ ജ​​​യ​​​കു​​​മാ​​​ർ, എ​​​ഫ്എ​​​ച്ച്എ​​​സ്ടി​​​എ ചെ​​​യ​​​ർ​​​മാ​​​ൻ ആ​​​ർ. അ​​​രു​​​ണ്‍കു​​​മാ​​​ർ, സം​​​സ്ഥാ​​​ന ട്ര​​​ഷ​​​റ​​​ർ എം. ​​​റി​​​യാ​​​സ് തു​​​ട​​​ങ്ങി​​​യ​​​വ​​​ർ പ്ര​​​സം​​​ഗി​​​ച്ചു.

തി​രു​വ​ന​ന്ത​പു​രം: ഭാ​ര​താം​ബ​യു​ടെ ചി​ത്രം വ​ച്ച ച​ട​ങ്ങ് ബ​ഹി​ഷ്‌​ക​രി​ച്ച മ​ന്ത്രി ശി​വ​ന്‍​കു​ട്ടി​യു​ടെ ന​ട​പ​ടി​യെ സ്വാ​ഗ​തം ചെ​യ്ത് കോ​ണ്‍​ഗ്ര​സ് നേ​താ​വ് കെ.​മു​ര​ളീ​ധ​ര​ന്‍. ശി​വ​ന്‍​കു​ട്ടി പ​രി​പാ​ടി​യി​ല്‍​നി​ന്ന് ഇ​റ​ങ്ങി​പ്പോ​യ​ത് ന​ന്നാ​യി. അ​ത് ത​ന്നെ​യാ​ണ് ചെ​യ്യേ​ണ്ട​തെ​ന്നും മു​ര​ളീ​ധ​ര​ന്‍ പ്ര​തി​ക​രി​ച്ചു.

മു​ഖ്യ​മ​ന്ത്രി ഒ​ളി​ച്ചു​ക​ളി അ​വ​സാ​നി​പ്പ് ഗ​വ​ര്‍​ണ​ര്‍​ക്ക് ക​ത്ത് ന​ല്‍​കാ​ന്‍ ത​യാ​റാ​ക​ണം. രാ​ജ്ഭ​വ​നി​ല്‍ സം​ഘ​ടി​പ്പി​ക്കു​ന്ന സം​സ്ഥാ​ന സ​ര്‍​ക്കാ​രി​ന്‍റെ ഒ​രു ച​ട​ങ്ങി​ലും കാ​വി​ക്കൊ​ടി​യേ​ന്തി​യ ഭാ​ര​താം​ബ​യു​ടെ ചി​ത്രം പാ​ടി​ല്ലെ​ന്ന് മു​ഖ്യ​മ​ന്ത്രി അ​റി​യി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.

വ്യാ​ഴാ​ഴ്ച​യാ​ണ് കാ​വി​ക്കൊ​ടി​യേ​ന്തി​യ ഭാ​ര​താം​ബ​യു​ടെ ചി​ത്രം വ​ച്ച​തി​നെ തു​ട​ര്‍​ന്ന് രാ​ജ്ഭ​വ​നി​ല്‍ ന​ട​ന്ന സ്‌​കൗ​ട്ട് ആ​ന്‍​ഡ് ഗൈ​ഡ് സ​ര്‍​ട്ടി​ഫി​ക്ക​റ്റ് വി​ത​ര​ണ ച​ട​ങ്ങ് വി​ദ്യാ​ഭ്യാ​സ​മ​ന്ത്രി വി.​ശി​വ​ന്‍​കു​ട്ടി ബ​ഹി​ഷ്‌​ക​രി​ച്ച​ത്. ഭാ​ര​താം​ബ ചി​ത്ര​ത്തി​ല്‍ പു​ഷ്പാ​ര്‍​ച്ച​ന ന​ട​ത്തി​യ​തി​ലും താ​ന്‍ എ​ത്തു​ന്ന​തി​ന് മു​മ്പ് പ​രി​പാ​ടി തു​ട​ങ്ങി​യ​തി​ലും മ​ന്ത്രി പ്ര​തി​ഷേ​ധം അ​റി​യി​ച്ചു. വി​ദ്യാ​ര്‍​ഥി​ക​ള്‍​ക്ക് ആ​ശം​സ അ​റി​യി​ച്ച ശേ​ഷം മ​ന്ത്രി പ​രി​പാ​ടി​യി​ല്‍​നി​ന്ന് ഇ​റ​ങ്ങി​പ്പോ​വു​ക​യാ​യി​രു​ന്നു.